საქართველოს საფეხბურთო ეროვნულ ლიგაში მე-13 ტურის სამი შეხვედრა გაიმართა.

ფოთის კოლხეთი ქობულეთის შუქურას 0:0 დაუზავდა. გორის დილამ თბილისში საბურთალოს 1:0 მოუგო. ქუთაისში, ტორპედოსა და თბილისის ლოკომოტივის მატჩის 58-ე წუთზე რამაზ შენგელიას სახელობის სტადიონზე შუქი ჩაქრა - შეხვედრა ნახევარ საათში განახლდა. ტორპედომ ლაშა კუჭუხიძისა და ბექა ტუღუშის გოლებით 2:0 გაიმარჯვა.

ტურის ცენტრალური მატჩი დღეს დინამო-არენაზე გაიმართება. დინამო მოქმედ ჩემპიონ სამტრედიას უმასპინძლებს.

მატჩის პირდაპირ რეპორტაჟს საზოგადოებრივი მაუწყებლის 1 არხი 17:25 საათზე შემოგთავაზებთ.