სანამ ჩემი ფილმი შევქმენი, ვუყურებდი როგორი ცოცხალი ჩვენებაა. მადლობა ღმერთს.. რომ შემიქმენი ჩემი ფილმი, გაოცებული ვარ..
საქართველოში სალიზინგო ბაზრის მოცულობამ თითქმის მილიარდ ლარს მიაღწია. სექტორის წარმომადგენლები აცხადებენ, რომ ბიზნესის მხრიდან სალიზინგო პროდუქტებზე მოთხოვნა მზარდია და დაფინანსების მიმართულებით განსაკუთრებული აქტივობა სამშენებლო სექტორიდან ფიქსირდება. თუმცა ბაზრის წარმომადგენლები მიიჩნევენ, რომ სალიზინგო ბაზრის უფრო სწრაფად განვითარებისთვის აუცილებელია რიგი ცვლილებები. როგორ ვითარდება საქართველოში სალიზინგო ბაზარი და რა სჭირდება დარგს სწრაფი ზრდისთვის? #ახალიამბები #BusinessMediaGeorgia
მიღმა რიცხვებისა, წელი გაყიდვების არხების ცვლილებისა და ამ მხრივ გაზრდილი რისკების მხრივაც საყურადღებო იყო. წელს ახალი ბინების გაყიდვების 73% როგორც თბილისში, ისე ბათუმში შიდა განვადებებზე მოდიოდა, რის გამოც წლის ბოლოს საქართველო ეროვნულ ბანკთან დაკრედიტების გამარტივებაზე სექტორთან აქტიური მოლაპარაკებები გაიმართა. საუბარი ეხებოდა ერთი მხრივ კომპანიებზე გასაცემი თანხებზე ხელმისაწვდომობის ზრდას, მეორე მხრივ კი საცალო მომხმარებლებისთვის იპოთეკების წახალისებას. სხვათაშორის ბოლო სტატისტიკა ცხადყოფს, რომ ამან შედეგი უკვე გამოიღო. ეროვნული ბანკის მონაცემებით, გასულ თვეს საქართველოში 4458 ახალი იპოთეკური სესხი გაიცა, რაც რაოდენობრივად წლიურად 6%-ით გაზრდილი მაჩვენებელია. ეს კი იმ ფონზე, როდესაც ახალი იპოთეკური სესხების რაოდენობა სექტემბრამდე ძირითადად შემცირების ტენდენციას ატარებდა. საბანკო და დეველოპერული სექტორის ნაწილი ვარაუდობს, რომ იპოთეკური სესხების ტემპის ზრდა მათ შორის ეროვნული ბანკის მიერ დეველოპერული სექტორის დაკრედიტების გამარტივებას უკავშირდება. დეველოპერულ კომპანიებში მოლოდინი აქვთ, რომ ცვლილებებმა შიდა განვადებების გარკვეული ნაწილის იპოთეკური სესხებით ჩანაცვლება უნდა უზრუნველყოს. რა შეიცვალა დეველოპერული დაკრედიტების ნაწილში და როგორია მოლოდინები? სტუმარი: გივი კორინთელი - “პრაიმლისტ გლობალ"-ის მმართველი პარტნიორი; ➡️ #უძრავიქონებისპროსპექტი თათია ჩაფიჩაძე & გუგა კობახიძესთან ერთად #ახალიამბები #BusinessMediaGeorgia
2025 წლის ნოემბერში თბილისის უძრავი ქონების ბაზარზე 3 627 ბინა გაიყიდა, რაც 2024 წლის იგივე თვესთან შედარებით, 2%-ით ზრდაა - ამის შესახებ TBC Capital-ის საცხოვრებელი უძრავი ქონების კვლევის ბოლო პუბლიკაციაში ვკითხულობთ, რომლის თანახმადაც 11 თვის განმავლობაში ჯამურად გაყიდული ბინების რაოდენობა წლიურ ჭრილში 3%-იან ზრდას აჩვენებს. გასულ თვეში გასაყიდი ფასი კვადრატულ მეტრზე $1 341-ს გაუტოლდა და წლიურ ჭრილში 4%-ით გაიზარდა, ხოლო წინა თვესთან შედარებით -0.4%-ით შემცირდა. 2025 წლის ნოემბერში, ახალი გაყიდული ბინების რაოდენობა წლიურად 35%-ით შემცირდა და 553-ს გაუტოლდა. ძველი გაყიდული ბინების რაოდენობამ 3 074 შეადგინა, რაც წლიურად 13%-იანი ზრდაა. ტრადიციულად ყველაზე მეტი 949 ტრანზაქცია დიდ დიღომში დაფიქსირდა. თუმცა გაყიდული ბინების რაოდენობის მიხედვით სამგორში ყველაზე მაღალი წლიური ზრდა დაფიქსირდა, რომელსაც მოჰყვებოდა კრწანისი (42%, წ/წ). ყველაზე პატარა წლიური ზრდა კი ჩუღურეთში ფიქსირდება. სტუმარი: სალომე დეისაძე -“თიბისი კაპიტალის" უფროსი ასოცირებული მკვლევარი; #უძრავიქონებისპროსპექტი თათია ჩაფიჩაძე & გუგა კობახიძესთან ერთად
კომპანია თბილისი ისტი სამგორში ახალ საცხოვრებელ კომპლექს სამგორი პარკ რეზიდენსს აშენებს, რომელიც სამ 15 სართულიან მრავალფუნქციურ საცხოვრებელ სივრცეს აერთიანებს. პროექტი მოსკოვის გამზირის მიმდებარედ შენდება, გაყიდვები კი 2026 წლის 14 იანვრიდან დაიწყება. რა შეთავაზება აქვს კომპანიას? #ახალიამბები #BusinessMediaGeorgia
არასტანდარტული მანდარინის სუბსიდირების თანხა 2.6 მლნ ლარით იზრდება. მთავრობის განკარგულების შესაბამისად, არასტანდარტული ციტრუსის ნაწილში უკვე დახარჯულ 4 მილიონ ლართან ერთად, ჯამური სუბსიდია 6.6 მილიონ ლარამდე იზრდება. განკარგულების თანახმად, აჭარის ავტონომიური რესპუბლიკის ტერიტორიაზე მოქმედი ციტრუსის გადამმუშავებელი კომპანიებისათვის, რომლებიც ციტრუსის სეზონზე ფიზიკური პირებისაგან შეისყიდიან 1 კილოგრამ არასტანდარტულ მანდარინს არანაკლებ 40 თეთრად, სუბსიდირებისათვის გათვალისწინებულია 35 თეთრი. აჭარის მთავრობის ინფორმაციით, 19 დეკემბრის მონაცემებით, ექსპორტირებულია 20 000 ტონამდე მანდარინი, რომლის საერთო ღირებულება 12 მილიონ დოლარს შეადგენს. რატომ გაიზარდა არასტანდარტული მანდარინის სუბსიდიის თანხა, როგორია მანდარინის ხარისხი და რა გამოწვევებია რეალიზაციის კუთხით? სტუმარი: ვაჟა მკურნალიძე - „აგროინვესტ სერვისის“ დირექტორი #ახალიამბები #BusinessMediaGeorgia
საქართველოს სადაზღვევო სექტორი წელს დაახლოებით, 12-13%-ის ფარგლებში გაიზრდება. მოზიდული პრემია კი, სავარაუდოდ, მილიარდ ნახევრამდე ლარს მიაღწევს. ასეთია სახელმწიფო დაზღვევის ზედამხედველობის სამსახურის საპროგნოზო შეფასება წლიურ შედეგებთან დაკავშირებით. მიუხედავად იმისა, რომ სექტორმა წელს, გასულ წლებთან შედარებით, ზრდა შეანელა, როგორც BMG-ს ზედამხედველობის სამსახურში განუცხადეს, სექტორში უახლოეს პერიოდში ავტომფლობელთა მესამე პირის პასუხისმგებლობის სავალდებულო დაზღვევის შემოტანის მოლოდინია, რის შედეგადაც, სექტორი დაახლოებით 25%-ით გაიზრდება. ზედამხედველის განმარტებით, სექტორში არსებობს ზრდის დიდი პოტენციალი ისეთი სავალდებულო სქემების ამოქმედების შემთხვევაში, როგორიცაა სიცოცხლის დაზღვევა, ქონების დაზღვევა და სხვა. როგორი იყო სადაზღვევო ბაზრისთვის 2025 წელი? #ახალიამბები #BusinessMediaGeorgia
ვიზუალური კომუნიკაცია და პერსონალური ბრენდინგი თანამედროვე სამყაროში წარმატების მიღწევის ერთ-ერთი მთავარი ინსტრუმენტია. თვითშეფასების ამაღლებასა და სწორი საქმიანი იმიჯის ფორმირებაში, მოდის ინდუსტრია და ფსიქოლოგია გადამწყვეტ როლს თამაშობს. სტუმარი: მირენ უაითი - ჩაცმის ფსიქოლოგი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
საავტორო რეცეპტებითა და გამორჩეული გემოვნური თვისებების მქონე საკონდიტრო ნაწარმით, „დუშეფი“ ბაზარზე უკვე 4 წელია ოპერირებს. კაფესთან ერთად ბრენდი სასწავლო სკოლასაც აერთიანებს, სადაც დამფუძნებლის მიერ საზღვარგარეთ მიღებული ცოდნა და 6-წლიანი გამოცდილება სხვებსაც გადაეცემა. სტუმარი: ხათუნა ბაკურაძე - "დუშეფი", დამფუძნებელი #ქალებისნარატივი ლიკა მეგუთნიშვილთან #ახალიამბები #BusinessMediaGeorgia
აგროსფეროში საერთაშორისო სტანდარტებისა და ინოვაციური ტექნოლოგიების დასამკვიდრებლად, ბაზარზე 5 წლის წინ პირველი აგროსერვისების მიმწოდებელი კომპანია გამოჩნდა „ნიადაგი” გამოჩნდა, ბრენდი, რომელიც მომხმარებელს პროექტის განსახორციელებლად საჭირო სრულ მომსახურებას სთავაზობს. როგორ ხურავს 2025 წელს კომპანია, რა მონაგარი დაგროვდა მათ ანგარიშზე? სტუმარი: სალომე დიდებაშვილი - "ნიადაგი", მარკეტინგის მენეჯერი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ახალი წლის პერიოდისთვის საქართველოს კურორტებზე მდებარე სასტუმროების დატვირთულობა მაღალია. როგორც ინდუსტრიის წარმომადგენლები აცხადებენ, ამ პერიოდში უცხოელ ვიზიტორებთან ერთად აქტიურობს ადგილობრივი დამსვენებლებიც. რა შეთავაზებები აქვთ და რა ფასად? #ახალიამბები #BusinessMediaGeorgia
მაკდონალდს საქართველოს 2025 წელს ვაჯამებთ. კომპანიამ გასული წელი მნიშვნელოვანი ზრდით დაასრულა. რიცხვები შთამბეჭდავია, არა როგორც მხოლოდ ბიზნესის შემოსავლების და მოგებიანობის, არამედ ინვესტიციების და ბიუჯეტში შენატანების ჯამური მოცულობით. მხოლოდ დედაქალაქში 20 რესტორნით და ჯამში 27 მაკდონალდსით იხურება 2025 წელი, ამიტომ ახლა გეგმების მოკითხვის დროა. სტუმარი: ელენე ბაღათურია - "მაკდონალდს საქართველო", მარკეტინგის ხელმძღვანელი #ახალიამბები #BusinessMediaGeorgia
ახალი ეპოქის დასაწყისი ფორმულა 1-ში #ახალიამბები #BusinessMediaGeorgia
Tbilisi Hills-ის პროექტის გაფართოებას 20 მლნ ევროს ინვესტიციები დაემატა- ასეთი ანონსი დაგვიტოვა Tbilisi Hills-ის მმართველმა პარტნიორმა, უმსხვილესმა ევროპელმა ინვესტორმა საქართველოში მის ერთ ერთ მსხვილ ბიზნეს პროექტთან დაკავშირებით. ოლეგ ოსინოვსკი, რომელიც თბილისი ჰილსის პროექტის 100% იანი მფლობელია თავად ამბობს რომ მისთვის გამორჩეულად საყვარელი პროექტია და ადგილზე ნახვის შემდეგ მიზეზების გაგება ეჭვი მაქვს რთულად გამოსაცნობი არ უნდა იყოს. სამომავლო გეგმებიც უხვად აქვთ და უკვე შესრულებული სამუშაოს ნაწილიც შთამბეჭდავად გამოიყურება, მათ შორის პროექტი რომლის ჯამური ინვესტიციაც 1 მილიარდს მიაღწევს ბევრ სიახლეს ითვლის ამ წლის შესრულებული სამუშაოებიდან. რა ეტაპამდეა თბილსი ჰილსის პროექტი მისული დღეისთვის და რას უნდა ელოდონ 2026 ში მისი მაცხოვრებლები თუ მომავალი მობინადრეები? სტუმარი: მარიამ ხარატი - "თბილისი ჰილსის" მარკეტინგის დეპარტამენტის ხელმძღვანელი #ახალიამბები #BusinessMediaGeorgia
ევროპაში ზამთრის მოსვლასთან ერთად, შობის ჯადოსნური ატმოსფერო რკინიგზის უნიკალურ მარშრუტებზე ცოცხლდება - ფინეთის „სანტა კლაუს ექსპრესით“ ლაპლანდიის გულამდე, იტალიურ-გერმანული „ესპრესო მონაკოს“ ნოსტალგიურ მოგზაურობით მიუნხენის ბაზრობებამდე, ნორვეგიის „ბერგენ რეილვეის“ გადათეთრებული პეიზაჟებით და შვეიცარიული „გლეისერ ექსპრესის“ ალპური მოგზაურობით. ეს განსაკუთრებული ზამთრის მარშრუტები მოგზაურებს არა მხოლოდ საოცარ ხედებს, არამედ ნამდვილ საშობაო განწყობას სთავაზობს - ჯერ კიდევ ნოემბრიდან, მთელი დეკემბრის განმავლობაში. #ახალიამბები #BusinessMediaGeorgia
E-Motors Georgia-ს 2025&2026;-ის გეგმები სტუმარი: ირინა დარჩია - “E-Motors Georgia”, გენერალური დირექტორი #ახალიამბები #BusinessMediaGeorgia
გლობალურ ფინანსურ ბაზრებსაც აქტიურად აკვირდება BMG-ის გუნდი, და წლის დასასრულს, 30 დეკემბერს, ვაჯამებთ წლევანდელ შედეგებს საერთაშორისო ბირჟებზე. როგორი იყო ჯამში 2025 წელი. რამდენად მერყეობდა ბაზრები, რა მოხდა ოქროს, ვერცხლისა და სხვა ძირითად აქტივებთან მიმართებით წლის მანძილზე, რომლებმაც რეკორდები მოხსნეს, რა განწყობა იყო ინვესტორებში და როგორ აისახა ეს ვაჭრობაზე? სტუმარი: ნიკა მაზანაშვილი - Galt & Taggart-ის საბროკერო მიმართულების გაყიდვების დეპარტამენტის ხელმძღვანელი #ახალიამბები #BusinessMediaGeorgia
წლის დასასრულს BMG საქართველოს ეკონომიკას აჯამებს. რა იყო მთავარი ტენდენციები, როგორ სრულდება წელი მაკროეკონომიკური თვალსაზრისით და რა მოლოდინებით ვხვდებით 2026 წელს. სტუმარი: ლაშა ქავთარაძე - Galt & Taggart-ის ეკონომისტი #ახალიამბები #BusinessMediaGeorgia
საახალწლო შეთავაზებები ავერსში როგორ მუშაობს ავერსის თვითმომსახურების აპარატები? ლალი ბრეგვაძე - “ავერსის” საზოგადოებასთან ურთიერთობის სამსახურის ხელმძღვანელი #ახალიამბები #BusinessMediaGeorgia
სალიზინგო ინდუსტრიის მიმდინარე მდგომარეობას და 2025 წლის ტენდენციებს ვაჯამებთ. ვისაუბრებთ ბაზრის ზრდაზე, მის როლზე ეკონომიკაში და იმ ცვლილებებზე, რომლებიც სექტორში არსებობს. ამ თემებზე სასაუბროდ ჩვენს დღევანდელ სტუმარს წარმოგიდგენთ. გაგა გოგუა, თიბისი ლიზინგის დირექტორი შემოგვიერთდა. თიბისი ლიზინგი უკვე წლებია ლიდერის პოზიციას ინარჩუნებს ქართულ სალიზინგო ბაზარზე და აქტიურად მონაწილეობს ბიზნესების, განსაკუთრებით მცირე და საშუალო საწარმოების ფინანსურ გაძლიერებაში. სტუმარი: გაგა გოგუა - "თიბისი ლიზინგის" დირექტორი #ახალიამბები #BusinessMediaGeorgia
წინასაახალწლოდ, საქართველოს ბიზნეს ასოციაცია მის კიდევ ერთ წევრ კომპანია , ბიდიოს ესტუმრა. აუდიტორულ და ბიზნეს საკონსულტაციო კომპანიას, რომელიც ქართულ ბაზარზე 25 წელია ოპერირებს, სიახლეები აქვს. BDO ოფიციალურად იწყებს საქმიანობას კავკასიასა და ცენტრალურ აზიაში ერთიანი რეგიონული ფირმის BDO CCA–ის ფარგლებში, რომელიც ხუთ ქვეყანას აერთიანებს: საქართველოს, სომხეთს, უზბეკეთს, ყირგიზეთსა და ტაჯიკეთს. #ახალიამბები #BusinessMediaGeorgia