ევროპის წამყვან საფეხბურთო ჩემპიონატებში მორიგი ტურის შეხვედრები ჩატარდა.

იტალიის სერა “ა”-ს 23-ე ტურის ცენტრალურ მატჩში, ტურინის „იუვენტუსმა“, მილანის „ინტერი“ მიიღო და მინიმალური ანგარიშით 1-0 დაამარცხა. თამაშის ერთადერთი გოლი, პირველი ტაიმის უკანასკნელ წუთზე კოლუმბიელმა ხუან კუადრადომ გაიტანა. მეორე ტაიმში არაერთი რეალური მომენტის მიუხედავად, აღარაფერი შეცვლილა. ეს ტურინელებისთვის იტალიის მიმდინარე ჩემპიონატში მე-18 გამარჯვება გამოდგა. მასიმილიანი ალეგრის გუნდი, 54 ქულით სატურნირო ცხრილში პირველ ადილზეა. რაც შეეხება „ინტერს“, მილანელები მეხუთე პოზიციაზე არიან.

„მანჩესტერ სიტი“ ინგლისის პრემიერლიგაში მესამე ადგილზე გადავიდა. მანჩესტერელებმა საკუთარ იტიჰადზე 24-ე ტურის შეხვედრაში ერთ-ერთი აუტსაიდერი „სუონსი“ 2-1 დაამარცხეს. ხოსეპ გვარდიოლას გუნდის გამარჯვებაში უდიდესი წვლილი ახლახანს შეძენილმა ბრაზილიელმა ფეხბურთელმა გაბრიელ ჟესუსმა შეიტანა, რომელმაც დუბლი გაიფორმა.

სამხრეთ ამერიკელმა ფორვარდმა ანგარიში მე-11-ე წუთზე გახსნა. სტუმრებმა წონასწორობა სიგურდსონის გოლით 81-ზე აღადგინეს. მსაჯის მიერ დამატებულ მეორე წუთზე, ჟესუსმა სიტის მნიშვნელოვანი სამი ქულა მოუტანა. „მანჩესტერ სიტის“ აქტივში 49 ქულა აქვს და ლიდერ „ჩელსის“ 10 ქულით ჩამორჩება.