შვეიცარიის კორურტ სანკტ მორიტცში, სტარტი აიღო სამთო-მოთხილამურეთა მსოფლიოს ჩემპიონატმა.
ტურნირში მონაწილეობას ხუთი ქართველი სპორტსმენი მიიღებს. 13 და 17 თებერვალს, ასპარეზობაში ნინო წიკლაური ჩაერთვება, რომელიც საკვალიფიკაციო შეჯიბრში ისრიალებს, წარმატების შემთხვევაში კი ძირითად ტურნირში გადავა.
ქართველი ვაჟი მოთხილამურეები, ასევე კვალიფიკაციაში გამოვლენ. 16 და 18 თებერვალს ჩვენი ქვეყნის ღირსებას იასონ აბრამაშვილი, ალექსი ბენიანიძე, სოსო და ბესარიაონ ჯაფარიძეები დაიცავენ. ხოლო 17 და 19-ში შეჯიბრი, სლალომსა და გიგანტურ სლალომში გაიმართება.
სანქტ მორიტცში უკვე გათამაშდა მედლების პირველი კომპლექტი. ქალთა შორის სუპერ გიგანტში ბევრისთვის მოულოდნელად, ოქროს მედალი ავსტრიელმა, ნიკოლ შმიდჰოფერმა მოიპოვა.