პოპულარული ბრიტანული გამოცემა „სანი“ სკანდალურ პუბლიკაციაში კრივში სხვადასხვა სახის თაღლითობის შესახებ წერს.
სლოვაკეთში, ბულგარეთში, ბოსნიაში, ლიტვასა და საქართველოში აყალბებენ პროფესიონალი მოკრივეების სტატისტიკას, რათა მათ მომატებული რეიტინგის ხარჯზე ბრიტანელ მოკრივეებთან ფინანსურად მომგებიანი ბრძოლის გამართვის უფლება მიიღონ.
სტატიაში რამდენიმე ქართველი პროფესიონალი მოკრივის გვარიც ფიგურირებს. საქართველოს კრივის ფედერაცია სპეციალურ განცხადებას ავრცელებს, რომელშიც სპორტში ნებისმიერი სახით გამოვლენილ თაღლითობას მკაცრად გმობს და განმარტავს, რომ საქართველოს კრივის ეროვნული ფედერაცია, რომელიც სამოყვარულო კრივის ფედერაციას წარმოადგენს, აცხადებს, რომ პროფესიონალური კრივის ფედერაცია და სამოყვარულო კრივის ფედერაცია არის გამიჯნული ცალ-ცალკე დამოუკიდებელი სუბიექტები, რომლებსაც ერთმანეთთან არავითარი შეხება არ აქვთ.