მენინგოკოკური ინფექციით 4 წლის ბავშვი გარდაიცვალა. შემთხვევა ინფექციურ საავადმყოფოში მოხდა.

მოზარდი ბათუმის „დედათა და ბავშვთა“ ცენტრში 8 მარტს მოათავსეს, შემდეგ კი თბილისში გადმოიყვანეს. ექიმების განმარტებით, ის უკვე მძიმე მდგომარეობაში, მენინგოკოკური სისხლჩაქცევებით მიიყვანეს.

აჭარაში ყოველწლიურად მენინგოკოკური ინფექციის ერთეული შემთხვევა ფიქსირდება. ბოლო სამი წლის სტატისტიკის მიხედვით, 2014 წელს - სამი, 2015 წელს - ორი, 2016 წელს ერთი და მიმდინარე წელს ერთი შემთხვევა დაფიქსირდა.