პროტესტია ფასანაურში. ადგილობრივები მაღალი ძაბვის ელექტროგადამცემი ხაზის დაგეგმილ მშენებლობას ეწინააღმდეგებიან.

მოსახლეობის ინფორმაციით, სამშენებლო სამუშაოების დროს, ტყის გაკაფვა იგეგმება, რაც მათივე თქმით, სტიქიურ პროცესებს და ეკოლოგიური მდგომარეობის გაუარესებას გამოიწვევს.

კომპანია ენერგოტრანსი დაბის მცხოვრებლების პრეტენზიებს გეოლოგების მიერ გაცემულ დასკვნას უპირისპირებს.

კომპანია პროექტში კორექტივების შესატანად მზად არის, რაც მოსახლეობისთვის არასაკმარისია.