თბილისის შემოვლითი რკინიგზის პროექტი რომ დამთავრდეს, ასტრონომიულ ციფრებთან მივდივართ, - ამის შესახებ რეგიონული განვითარებისა და ინფრასტრუქტურის მინისტრმა ზურაბ ალავიძემ, პარლამენტის ორი კომიტეტის გაერთიანებულ სხდომაზე განაცხადა.

დეპუტატების შეკითხვაზე მინისტრმა უპასუხა, რომ რეგიონული განვითარებისა და ინფრასტრუქტურის სამინისტრო, ირიბადაა ჩართული შემოვლითი რკინიგზის საკითხში და ეს მერიისა და რკინიგზის პრეროგატივაა.

მისივე ინფორმაციით, არსებობს რამდენიმე ალტერნატიული ვარიანტი და საბოლოოდ, თბილისის შემოვლითი რკინიგზის პროექტი აუცილებლად განხორციელდება.