ავღანეთის დედაქალაქ ქაბულში საოჯახო ტიპის სასტუმროზე შეიარაღებული ჯგუფის თავდასხმას გერმანელი ქალის სიცოცხლე ემსხვერპლა.
„ბი-ბი-სი“-ს ცნობით, თავდამსხმელებმა სასტუმროს მცველ ავღანეთის მოქალაქე მამაკაცს თავი მოჰკვეთეს.
გავრცელებული ცნობით, დაკარგულია ფინელი ქალი, რომელიც სავარაუდოდ თავდამსხმელებმა გაიტაცეს.
საოჯახო ტიპის სასტუმრო შვედური არასამთავრობო ორგანიზაცია „ოპერაცია გულმოწყალების“ მმართველობაში იყო.
ორგანიზაციის შვედეთში მდებარე ცენტრალურ ოფისს კომენტარი არ გაუკეთებია. თავდასხმაზე პასუხისმგებლობა ჯერ არც ერთ სამხედრო დაჯგუფებას აუღია.
ამასთან, ავღანეთში კიდევ ერთი თავდასხმა ქვეყნის სამხრეთით პოლიციის საგუშაგოზე მოხდა.
„ბი-ბი-სი“-ს ინფორმაციით, „თალიბანის“ წევრებმა პოლიციის 20 ოფიცერი მოკლეს.