თბილისის მერობის კანდიდატთან დაკავშირებით განხილვები დაწყებულია, თუმცა დაველოდოთ საბოლოო გადაწყვეტილებას, - ამის შესახებ ვიცე-პრემიერმა და ენერგეტიკის მინისტრმა კახა კალაძემ ჟურნალისტებს თემის კომენტირებისას განუცხადა.

„ჩატარდება პოლიტსაბჭოს სხდომა და გუნდის ლიდერი, პრემიერ- მინისტრი თავად გამოაცხადებს კანდიდატურას. ვინ იქნება „ქართული ოცნების“ კანდიდატი მომავალი თვითმმართველობის არჩევნებზე, უახლოეს მომავალში გახდება ცნობილი”,- აღნიშნა კალაძემ.

რაც შეეხება კონკურენტ კანდიდატებს და ენერგეტიკის მინისტრის პოსტზე მის შემცვლელს, კალაძემ განაცხადა, რომ ამ თემებზე კომენტარი უახლოეს მომავალში გაკეთდება.