ცნობილი ხდება იმ კონკურსანტთა სია, რომლებიც იუსტიციის უმაღლეს საბჭოში მოსახვედრად იბრძვიან.
ოთხი ვაკანტური ადგილის დაკავებას პარლამენტის კვოტით 33 კანდიდატი ცდილობს: მათ შორის არიან ადვოკატები, ლექტორები, საერთაშორისო ორგანიზაციების წარმომადგენლები, ასევე აუდიტის სამსახურის ყოფილი თანამშრომელი და უზენაესი სასამართლოს ანალიტიკური სამსახურის უფროსი.
კონკურსის მონაწილეებმა დღეს საკანონმდებლო ორგანოში იურიდიულ საკითხთა კომიტეტის წევრებს საკუთარი ხედვა გააცნეს. სწორედ ამ კომიტეტიდან დაიწყო იუსტიციის საბჭოს არამოსამართლე წევრების შერჩევის პროცესი.
შეგახსენებთ, რომ საბჭოს ოთხ მოქმედ არამოსამართლე წევრს-ევა გოცირიძეს, გოჩა მამულაშვილს, კახა სოფორომაძესა და ვახტანგ თორდიას 14 ივნისიდან უფლებამოსილების 4-წლიანი ვადა ეწურებათ.