21 გარდაიცვლილი , 2 უგზო-უკვლოდ დაკარგული და დაზარალებული 1000-ზე მეტი ადამიანი - დღეს 13 ივნისია.

სტიქიის შედეგად საცხოვრებელი სახლები, გზები, ხიდები, გვირაბები, საყრდენი კედლები, საკომუნიკაციო სისტემები განადგურდა. ყველაზე დიდი ზიანი თამარაშვილი-გმირთა მოედანს მიადგა. მთლიანად დაიტბორა „მზიურისა“ და ზოოპარკის ტერიტორია.

სტიქიას ემსხვერპლა ზოოპარკის ბინადართა დიდი ნაწილი. დაზარალდა ქალაქის ინფრასტრუქტურის მნიშვნელოვანი ნაწილი, მათ შორის ვაკე-საბურთალოს დამაკავშირებელი ესტაკადა, კოჯორი - სამადლოს დამაკავშირებელი გზა, ახალდაბა - წყნეთის გზის მონაკვეთი.

ერთმანეთს დაემთხვა 9 გეოლოგიური და ჰიდრომეტეოროლოგიური მოვლენა. მათ შორის, მეწყერი, ღვარცოფი, უხვი ნალექი და წყალმოვარდნა.

საერთო ჯამში თბილისს 100-მილიონიანი ზარალი მიადგა.