თბილისში "ზიპლაინ ნარიყალა" გაიხსნა. საქართველოს ეროვნულ ბოტანიკურ ბაღში დღეიდან ექსტრემალებს ზიპლაინით დაშვების საშუალება ექნებათ.

ზიპლაინი (Zip Line) გაჭიმულ ფოლადის კაბელზე თავისუფლად მოძრავი როლერია, რომლითაც შესაძლებელია ერთი პუნქტიდან მეორე პუნქტამდე უსაფრთხოდ დაშვება.

ამ ატრაქციონის საშუალებით, ბაღის ვიზიტორებს შესაძლებლობა ექნებათ, ნარიყალას კომპლექსიდან ბოტანიკური ბაღის ცენტრალურ საპარკე სივრცეში ჩამოსრიალდნენ. ორ სპეციალურ ბაქანს შორის მანძილი 270 მეტრია, ხოლო სიმაღლე - 30. ზიპლაინით დაშვების ფასი 30 ლარი იქნება.

გახსნას ტურიზმის ადმინისტრაციის ხელმძღვანელი, ტურისტები და ექსტრემის მოყვარულები ესწრებიან.