„საქართველოს მცირე და საშუალო სატელეკომუნიკაციო ოპერატორების ასოციაციამ“ თუშეთში ინტერნეტიზაციის პროექტის განხორციელება დაიწყო. თუშეთში ინტერნეტს სატელიტური თეფშების საშუალებით მიიღებენ და ყოველთვიური გადასახადი 25-30 ლარის ფარგლებში განისაზღვრება. პროექტი ინტერნეტ საზოგადოების ევროპული ბიუროს მხარდაჭერით ხორციელდება. თუშეთში სულ 45-მდე სოფელია, თუმცა უმეტესობა დაცლილია. მუდმივად მხოლოდ 30-მდე ოჯახი ცხოვრობს. თუშეთში სეზონურად 20–ზე მეტი საოჯახო სასტუმრო ფუნქციონირებს.