აჭარაში სამშობიაროებისთვის, დონეების მინიჭების საკითხთან დაკავშირებით, შეხვედრა გაიმართა. შეხვედრაზე იმ დაწესებულების მონიტორინგის შედეგები განიხილეს, რომლის მიზანიც კლინიკებისთვის შესაბამისი დონეების მინიჭებაა.
აღნიშნული პროექტის ფარგლებში, ინფრასტრუქტურისა და სერვისის შეფასების შედეგად, სამშობიაროებს განესაზღვრებათ, რა სიმძიმის პაციენტის მიღება შეუძლიათ.
პროექტის მიზანი დედათა და ბავშვთა ჯანმრთელობის მდგომარეობის გაუმჯობესება, ასევე გართულებებისა და სიკვდილობის რისკის შემცირებაა.
საპილოტე პროგრამა იმერეთის, რაჭა-ლეჩხუმის რეგიონების პერინატალურ დაწესებულებებში 2015 წლის მაისიდან დაიწყო და ქვეყნის ყველა რეგიონი მოიცვა. პერინატალური მოვლის რეგიონალიზაციის მომდევნო კონფერენცია 15 ივლისს სამეგრელოში გაიმართება.