გამოშვებას სხვა თემებით და საქართველოში მოგზაურობით განვაგრძობთ. პირველი გაჩერება ყვარლის რაიონის სოფელი ძველი გავაზი იქნება. ჩვენი ჟურნალისტი ლაზაშვილების ოჯახს ესტუმრა.

11 წლის ლევანი, სახლის ყველაზე პატარა წევრი და სოფლის გამორჩეული, აქტიური მკვიდრია – განსაკუთრებული ოცნებებით და მიზნებით. დიდი ხანია თანატოლებთან თამაშზე უარი თქვა და ოჯახურ მეურნეობაში ჩაერთო.

ზუსტად იცის, რომ დიდი ოცნებები კახეთის ერთ პატარა სოფელშიც ხდება და მომავალში საკუთარი ფერმის შექმნას შეძლებს.