ამერიკის ვიცე-პრეზიდენტის საქართველოში ვიზიტი დასრულდა. მაიკ პენსმა ქვეყანას ამერიკისგან მტკიცე მხარდამჭერი გზავნილები დაუტოვა.
მთავარი აქცენტები ტერიტორიულ მთლიანობაზე სტრატეგიულ თანამშრომლობაზე, ნატო-ში ინტერგაციის პრერსპექტივასა და ეკონომიკურ მიმართულებებზე გაკეთდა.
თეთრი სახლის მეორე პირი, გამგზავრებამდე შერეულ საავიაციო ბაზაზეც იმყოფებიდა და ნატო საქართველოს ერთობლივ წვრთნებში ჩართულ სამხედროებს შეხვდა.
საკუთარ გამოსვლაში ამერიკის ვიცე-პრეზიდენტს არ დავიწყებია საერთაშორისო მისიებში დაღუპული 31 ქართვლი სამხედროც, რომელთა ღვაწლიც განსაკუთრებული პატივისცემით გაიხსენა. სიტყვით გამოსვლის შემდეგ კი პირიპირ გაესაუბრა ჯარისკაცებს.
პრემიერ-მინისტრთან ერთად მედიისთვის განცხადებების გაკეთებამდე შედგა მაიკ პენსსა და გიორგი კვირიკაშვილს შორის პირისპირ შეხვედრა, რომელიც გაფართოებულ ფორმატში გაგრძელდა. ამერიკის ვიცე-პრეზიდენტის ვიზიტი საკმაოდ დატვირთული იყო შეხვედრებით და საქართველოს მხარდამჭერი განცხადებებით.