ბორჯომის ხეობაში ვითარება უცვლელია. ხანძრის სალიკვიდაციო სამუშაოები ინტენსიურ რეჟიმში მიმდინარეობს. მეხანძრეებთან და მაშველებთან ერთად ცეცხლის ლოკალიზების პროცესში ჩართულები არიან ქართველი სამხედროები.

საგანგებო შტაბის ინფორმაციით, ავიაცია შებინდებამდე გააგრძელებს მუშაობას. კვლავ მობილიზებულია მძიმე ტექნიკა.

ცოცხალი ძალა ამ დროისთვის სამ ლოკაციაზეა გადანაწილებული, კერძოდ ყვიბისის და წაღვერის მიდამოებში, სადაც ხანძრის კერები ჯერ კიდევ არის დარჩენილი. რეგიონული განვითარების და ინფრასტრუქტურის მინისტრი აცხადებს, რომ ცოცხალი ძალა მთელი ღამის განმავლობაში ბორჯომის ხეობაში დარჩება.