2017 წლის ევროპის საკალათბურთო ჩემპიონატის დაწყებამდე ერთი დღე რჩება. საქართველოს ეროვნული ნაკრები ევრობასკეტზე ზედიზედ მეოთხედ ასპარეზობს. ილიას ზუროსის გუნდი დე ჯგუფში ლიტვის, ისრაელის, გერმანიის, იტალიისა და უკრაინის ნაკრებების წინააღმდეგ ითამაშებს.
საქართველოს ნაკრები თელ-ავივში გუშინ ჩავიდა და პირველი ვარჯიში ჩაატარა. წელს ევრობასკეტის ჯგუფური ეტაპის მატჩებს ოთხი ქვეყანა- ისრაელი, რუმინეთი, ფინეთი და თურქეთი მასპინძლობს. ოთხი ექვსგუნდიანი ჯგუფიდან კი მომდევნო ეტაპის საგზურს ოთხი საუკეთესო გუნდი მოიპოვებს.
ევროპის ჩემპიონობისთვის ბრძოლა სტამბოლში გაგრძელდება. საქათველოს ეროვნული ნაკრები პირველ შეხვედრას ხვალ თბილისის დროით 19 საათსა და 20 წუთზე ლიტვის ნაკრების წინააღმდეგ გამართავს.
ევროპის საკალათბურთო ჩემპიონატის ყველა მატჩის პირდაპირ ტრანსლაციას პირველი არხი შემოგთავაზებთ.