აბასთუმანი სტიქიის ზონად რჩება.
ბორჯომ-ხარაგაულის ეროვნულ პარკში ხანძრის გავრცელების არეალის ზუსტი ფართობი ამ დრომდე უცნობია.
ცეცხლთან ბრძოლის სამუშაოებს რთული რელიეფი და ქარი ართულებს. სტიქიის ეპიცენტრში მოსახვედრად, გუშინდელი დღიდან მოყოლებული უკვე გაიჭრა ხუთკილომეტრიანი სატყეო გზა.
ხანძარსაწინააღმდეგო ღონისძიებაში ცოცხალ ძალასთან ერთად, რომელიც შინაგან საქმეთა სამინისტროს ათასამდე თანამშრომელს და ადგილობრივ მცხოვრებლებს აერთიანებს, ჩართულია ერთი ქართული ვერტმფრენი და სახმელეთო ტექნიკა.
უახლოეს პერიოდში ცეცხლის ქრობას უკრაინული სახანძრო თვითმფრინავიც უნდა შეუერთდეს. საქართველოში ელოდებიან დამატებით საავიაციო ძალებსაც
სტიქიასთან ბრძოლის შესახებ უახლეს ცნობებს აბასთუმანში გაშლილი საველე შტაბიდან ჩვენი კორესპონდენტი მოგვაწვდის.
ნათია ქენქაძე გვერთვება პირდაპირ ეთერში.