საქართველოს პრემიერ-მინისტრმა, „ქართული ოცნება - დემოკრატიული საქართველოს“ თავმჯდომარემ გიორგი კვირიკაშვილმა აჭარის რეგიონის მერობის კანდიდატები წარადგინა.
აჭარის რეგიონში „ქართული ოცნების“ მერობის კანდიდატები იქნებიან:
ბათუმი - ლაშა კომახიძე
ქედა - ლევან გორგილაძე
ქობულეთი - მირიან ქათამაძე
შუახევი - ფრიდონ ფუტკარაძე
ხელვაჩაური - ჯუმბერ ვარდმანიძე
ხულო - გოჩა მელაძე
წარდგენის ცერემონია ბათუმის ბულვარში, საზაფხულო თეატრის წინ გაიმართა. მხარდამჭერებს აჭარის მთავრობის თავმჯდომარემ და პრემიერ-მინისტრმა მიმართეს. ამ დროისთვის, უცნობია მმართველი გუნდის მაჟორიტარი დეპუტატობის კანდიდატების ვინაობა და პროპორციული სიების შემადგენლობა
10 სექტემბერს გიორგი კვირიკაშვილმა გურიის მერობის კანდიდატები ოზურგეთში წარადგინა. გარდა ამისა, პრემიერ-მინისტრმა მერობის კანდიდატები წარადგინა თბილისში, კახეთში, იმერთსა და რაჭა-ლეჩხუმ-ქვემო სვანეთში.