სექტემბერი 20, 2017
118
ერაყის ქალაქ კირკუკში ქურთისტანის რეფერენდუმის მხარდასაჭერად ქურთებმა და არაბებმა აქცია გამართეს.
ადგილობრივი მედიის ინფორმაციით, დემონსტრაციაში მონაწილეობა ორი ათასამდე ადამიანმა მიიღო.
ერაყის ქურთისტანის ავტონომიური რეგიონი დამოუკიდებლობის რეფერენდუმის ჩატარებას 25 სექტემბერს გეგმავს. აღნიშნულ გადაწყვეტილებას ერაყის ხელისუფლება ეწინააღმდეგება.
რეფერენდუმმა გარკვეული დაძაბულობა შესაძლოა, სწორედ ქალაქ კირკუკში გამოიწვიოს სადაც ქურთები, არაბები და თურქმენები ძალაუფლების განმტკიცებას ცდილობენ.
კირკუკი დედაქალაქ ბაღდადიდან ჩრდილოეთით, 290 კილომეტრში მდებარეობს. კირკუკის პროვინციის კონტროლის პრეტენზიას, ერაყის ცენტრალური ხელისუფლება და ქურთისტანი რეგიონი აცხადებენ.
მაჩვენე მეტი