თბილისში, ლისის ტბაზე 21 კმ-იან დისტანციაზე 35 წლის და უფროსი ასაკის ვეტერან სპორტსმენებს შორის​ ნახევარმარათონი გაიმართა.

ღონისძიების მიზანია ვეტერანი მორბენლების წახალისება, ჯანსაღი ცხოვრების წესის დანერგვა და სპორტის მასობრიობის ხელშეწყობაა.
ნახევარმარათონში 50-მდე სპორტსმენი მონაწილეობდა.

აღსანიშნავია, რომ გარბენზე დარეგისტრირდნენ ესტონეთის, თურქეთის, აზერბაიჯანისა და სომხეთის წარმომადგენლებიც.

მამაკაცებში შეჯიბრება 3 კატეგორიაში გაიმართა, ხოლო ქალებში მონაწილეობის უფლება 35 და მეტი წლის სპორტსმენებს ჰქონდათ.

სპორტსმენთა მაჩვენებლებს გერმანული ელექტრონული სისტემა Datacapo აფიქსირებდა. გამარჯვებულები მედლებითა და ფულადი პრიზებით დააჯილდოვეს.

ღონისძიების ორგანიზატორია საქართველოს ეროვნული ფედერაცია „სპორტი ყველასათვის", მხარდამჭერი - საქართველოს სპორტისა და ახალგაზრდობის საქმეთა სამინისტრო, ხოლო თანაორგანიზატორი - დავით ტატიშვილის სამედიცინო ცენტრი და საქართველოს ვეტერან მარათონელთა ასოციაცია.