ბულინგის გამო, მეცხრე კლასის მოსწავლემ თბილისის ერთ-ერთი სკოლა დატოვა. განათლების სამინისტროს მიერ გატარებული პრევენციული ზომების მიუხედავად, უფლებადამცველები და ფსიქოლოგები ამბობენ, რომ ჩაცმის, ქცევის ან საუბრის სტილის გამო, მოსწავლეები თანატოლებისგან დაცინვის ობიექტები არცთუ იშვიათად ხდებიან. იმ მოტივით, რომ ხშირ შემთხვევაში მსხვერპლი საკუთარი თავის იდენტიფიცირებას ერიდება, სასწავლო დაწესებულებებში მოზარდებზე ფსიქოლოგიური ძალადობის ოფიციალური სტატისტიკა არ არსებობს.