„ჩვენთან მოდის ყველა რწმენისა და რელიგიის ადამიანი, რომელსაც უჭირს, მათ ტაძრის ხარჯებით ვუმზადებთ სადილს“.
#ერთსულოვნება #საპარტრიარქო #ტელევიზია
„ჩვენთან მოდის ყველა რწმენისა და რელიგიის ადამიანი, რომელსაც უჭირს, მათ ტაძრის ხარჯებით ვუმზადებთ სადილს“.
საქართველოს საპატრიარქოს ზედამხედველობის ქვეშ თბილისში არსებულ სხვადასხვა ტაძარში 7 უფასო სასადილო ფუნქციონირებს.
ყოველდღიურად აქ 1350 ადამიანს აპურებენ.
️ვაზისუბნის წმინდა გიორგის სახელობის ტაძართან რამდენიმე წელია მოწყალების სახლი ფუნქციონირებს:
თავდაპირველად, სასადილოს აშენებამდე, 2007 წელს, მოძღვრები და სტიქაროსნები ტაძარშივე უმასპინძლდებოდნენ შეჭირვებულებს.
დროთა განმავლობაში ხელმოკლე ადამიანთა რიცხვი გაიზარდა და საგანგებოდ მათთვის წმინდა იოანე მოწყალის სახელობის სასადილო აშენდა.
აქ ყოველ ხუთშაბათსა და კვირას 50 ადამიანზე მეტს სრულიად უანგაროდ, ტაძრის შემოსავლის ხარჯზე უმასპინძლდებიან ცხელი სადილით.
წმინდა მიქაელ მთავარანგელოზის სახელობის ტაძართან უპოვართა დასახმარებლად წლებია ფუნქციონირებს უფასო სასადილო:
თავდაპირველად გაიხსნა თონე, სადაც ყოველდღიურად უფასო პური ცხვებოდა.
2008 წლიდან 30 ადამიანზე გათვლილმა უფასო სასადილომ დაიწყო ფუნქციონირება.
დღეს ამ სასადილოში კვირაში 5 დღის განმავლობაში 250 ადამიანზე მეტს აპურებენ და უმასპინძლდებიან ცხელი სადილით.
შობისა და აღდგომის დღესასწაულებზე კი მათთვის განსაკუთრებული სადღესასწაულო სადილი მზადდება.
ამ უანგარო საქმიანობის დასახმარებლად ტაძართანვე დაარსდა საქველმოქმედო ორგანიზაცია „თხილის გული“, რომელმაც მრავალი წარმატებული ღონისძიება გამართა, შემოსული თანხა კი მთლიანად სასადილოს მოხმარდა.
სიუჟეტი მომზადებულია საქართველოს საპატრიარქოს საზოგადოებასთან ურთიერთობის სამსახურისა და საქართველოს სტრატეგიული ანალიზის ცენტრის (GSAC) თანამშრომლობით, ამერიკის საელჩოს მხარდაჭერით.