#ახალიამბები

ბათუმში, ფრიდონ ხალვაშის გამზირის რეაბილიტაცია იწყება. ტენდერი უკვე გამოცხადდა. პროექტისთვის ბიუჯეტიდან 22 მილიონ ლარზე მეტია გამოყოფილი. რეაბილიტაცია ჩაუტარდება ანგისიდან ხელვაჩაურამდე, დაახლოებით, 4,1 კილომეტრი სიგრძის მონაკვეთს. სამუშაოების შესყიდვაზე ტენდერი საქართველოს საავტომობილო გზების დეპარტამენტმა უკვე გამოაცხადა. წინადადებების მიღება 12 მაისს დაიწყება და 17 მაისს დასრულდება. პირობის მიხედვით, სამუშაოების წარმოებისას გზაზე უზრუნველყოფილი უნდა იყოს ტრანსპორტის მოძრაობა, რის გამოც სამუშაოები უნდა ჩატარდეს ეტაპობრივად, ჯერ გზის ერთ ნახევარზე, მეორე ნახევარზე ტრანსპორტის მოძრაობის შენარჩუნებით, შემდეგ კი პირიქით.