#ახალიამბები
დედაქალაქში საპროტესტო მუხტი კვლავ მძლავრია. მოქალაქეები, სტუდენტები, სამოქალაქო სექტორისა და პოლიტიკური პარტიების წარმომადგენლები პარლამენტთან არიან შეკრებილები. გადაკეტილია რუსთაველის გამზირი. საკანონმდებლო ორგანოს წინ დამონტაჟებულია სცენა, საიდანაც ორგანიზატორები საზოგადოებას სიტყვით მიმართავენ. დღევანდელ აქციას შეუერთდნენ რეგიონებიდანაც. პარლამენტის შენობის ეზოში სპეცრაზმისა და პოლიციის განსაკუთებული მობილიზებაა. პოლიციის კორდონია განლაგებული 9 აპრილის ქუჩის მხარესაც, სადაც წყლის ჭავლის მანქანაც დგას. მიმდებარე ტერიტორიაზე მობილიზებულია სასწრაფო დახმარების რამდენიმე ეკიპაჟიც.