მიუსაფართა თავშესაფრის მშენებლობისთვის ტერიტორია გამოიყო - გადაწყვეტილება დღეს საქართველოს რეგიონული განვითარებისა და ინფრასტრუქტურის სამინისტროში მიუსაფართა პრობლემების მოგვარებაზე მომუშავე უწყებათაშორისმა კომისიამ მიიღო.
კომისიის გადაწყვეტილებით, ტერიტორია დიდი ლილოს მიმდებარედ გამოიყო. არსებული მიწის ფართობზე მოწესრიგდება კომუნიკაციები, რის შემდეგაც დაიწყება თავშესაფრის მშენებლობა. მშენებლობას მუნიციპალური განვითარების ფონდი განახორციელებს. შესაბამისი სამუშაოები კი სახელმწიფო ბიუჯეტიდან დაფინანსდება.