საქართველოს რეგიონული განვითარებისა და ინფრასტრუქტურის მინისტრი დავით ნარმანია მცხეთის მუნიციპალიტეტის სოფელ ახალ ნიჩბისში სოფლის საერთო კრებას დაესწრო. კრება სოფლის მხარდაჭერის პროგრამის ფარგლებში გაიმართა და მოსახლეობამ ის პრიორიტეტები განსაზღვრა, რისი მოგვარებაც აღნიშნული პროგრამის ფარგლებში სურს.
"ბევრი პრობლემით დატვირთული სოფელია, სადაც არსებობს წყლისა და გაზიფიცირების პრობლემები, თუმცა ამ პრობლემებზე სხვა სამინისტროები მუშაობენ და მათ პრიორიტეტებში არის განსაზღვრული ეს საკითხები. უშუალოდ ჩვენი სამინისტროს კუთხით, სოფლის მხარდაჭერის პროგრამის ფარგლებში გასულ წელს დაწყებული ბავშვთა გასართობი სკვერის კეთილმოწყობა დასრულდება. ნაბიჯ-ნაბიჯ ყველა პრობლემას ვაგვარებთ, ერთბაშად ყველა პრობლემის მოგვარება შეუძლებელია, თუმცა მთავარია, ხალხთან გვაქვს კონსულტაციები", - განაცხადა დავით ნარმანიამ.