სხვა შუადღეში ისეთ აქტუალურ თემაზე და მავნე ჩვევაზე საუბრობენ, როგორიც არის თამბაქო და მისი მავნებლობა. თუმცა, დასაწყისში დიმიტრი ობოლაძემ ლისაბონში გამართული ფეხბურთის ჩემპიონატის შედეგებისა და შთაბეჭდილებების შესახებ ისაუბრა. პირველი ბლოკის სტუმრები პუნმონოლოგი თამაზ მაღლაკელიძე და კარდეოლოგი ზურაბ ფაღავა არიან, რომელიც კიდევ ერთხელ გვახსენებენ რა ზიანს აყენებს სიგარეტი ჩვენს ორგანიზმს. "მსოფლიოში თამბაქოს წევის შედეგად გამოწვეული მიზეზებისგან კვდება დაახლოებით 5 მილიონი ადამიანი". ზურაბ ფაღავა: "ეს თემა ძალიან აქტუალურია ყველა ექიმისთვის. თუკი არსებობს რაიმე მცნება უნივერსალური ბოროტების შესახებ, არის თამბაქოს მოწევა, ხოლო უნივერსალური სიკეთე არის ფიზიკური ვარჯიში". მეორე ბლოკში კი სახელმწიფოს მიერ გატარებულ სხვადასხვა ღონისძიებებისა და კამპანიების შესახებ საუბრობენ, რომელიც ამ მავნე ჩვევასა და სენს ებრძვის. თემაზე არაგადამდებ დაავადებათა დეპარტამენტის უფროსი ლელა სტურუა საუბრობს. "საქართველოში მამაკაცების 50% მწეველია, ხოლო ქალბატონების 5 % აღიარებს, რომ ეწევა. რეალურად კი რიცხვი უფრო მეტია ქალებში, ვიდრე გამოკვლევები აფიქსირებს". "ჩვენი სახელმწიფოს ერთერთი სტრატეგიული მიმართულებაა სიგარეტის პოპულარიზაციის, რეკლამისა და გარე რეკლამის აკრძალვაა." "ეს არ არის მხოლოდ ჯანდაცვის სამინისტროს სტრატეგია, ეს არის სპორტისა და ახალგაზრდობისა და განათლების სამინისტროების სტრატეგიაც, რომლებიც ჩვენი პარტნიორია.