ოლიმპიაკოსი 3-0 მილანი

ამერიკის შეერთებულ შტატებში სტარტი აიღო საერთაშორისო ჩემპიონთა თასის 2014 წლის გათამაშებამ, რომელშიც კვლავ რვა გუნდი მონაწილეობს, როგორც ეს გასულ წელს იყო.

ტურნირი B ჯგუფის მატჩით გაიხსნა, სადაც ერთმანეთს "ოლიმპიაკოსი" და "მილანი" დაუპირისპირდნენ. როგორც მილანელთა თავკაცმა ფილიპე ინძაგიმ განაცხადა, მან სატესტო შემადგენლობა გამოიყვანა "ოლიმპიაკოსის" წინააღმდეგ.

აქიდან გამომდინარე მატჩის ანგარიში 3-0 ბევრს არ გაჰკვირვებია. ანგარიში მეთექვსმეტე წუთზე ალექსანდრო დომინგესმა გახსნა, რასაც მეორე ტაიმის დასაწყისშივე დიმიტრის დიამანტაკოსის გოლი მოჰყვა. მატჩის მიწურულს 78-ე წუთზე თავი ანდრეას ბუხალაკისმაც გამოიჩინა.

"მილანის" მომდევნო მეტოქე ინგლისური "მანჩესტერ სიტი გახლავთ", მატჩი 27 ივლისს გაიმართება, "ოლიმპიაკოსი" კი "ლივერპულთან" ამავე დღეს გაარკვევს ურთიერთობას.