მსოფლიო ჯანდაცვა ახალი გამოწვევის წინაშე დგას. ეპიდემია სახელად - ებოლა ასობით ადამიანის გარდაცვალების მიზეზი გახდა. დასავლეთ აფრიკის ქვეყნებში საგანგებო მდგომარეობაა გამოცხადებული. მომაკვდინებელმა ვირუსმა შტატებამდეც მიაღწია. ებოლა მკურნალობას არ ექვემდებარება. სპეციალური გაფრთხილება უკვე მიიღეს საქართველოს მოქალაქეებმა. საგარეო უწყება გირჩევთ თავი შეიკავოთ დასავლეთ აფრიკაში გამგზავრებისგან. ვირუსის ეპიცენტრში სიკვდილიანობა 80 პროცენტს აღწევს. ებოლის გავრცელების გზებს და პრევენციისთვის საჭირო ინფორმაციას ეკა კოპალიანი მოგაწვდით.