„პირველ რიგში მინდა აღვნიშნო, რომ ეს იყო ძალიან პოზიტიური ანგარიში, რომელიც აღნიშნავს საქართველოს მთავრობის ძალიან მნიშვნელოვან ძალისხმევას წარმოუდგენლად მოკლე დროის პერიოდში, რომელიც ჩვენ განვახორციელეთ ვიზა ლიბერალიზაციის სამოქმედო გეგმის შესრულების თვალსაზრისით. ხაზგასმით აღსანიშნავია ისიც, რომ ეს შესრულდა ძალიან მაღალი ევროპული და საერთაშორისო სტანდარტით. გამომდინარე აქედან, ჩვენ მივიღეთ რეკომენდაციები რიგ საკითხებთან დაკავშირებით სწორედ იმის გამო, რომ ძალიან შემჭიდროვებულ ვადებში და მოკლე დროში შესრულდა ეს დავალებები. არის რეკომენდაციები, რომ განხორციელდეს გარკვეული დროის პერიოდში ამ რეფორმების მდგრადობის შემოწმება, ასევე რეკომენდაციები, რომელიც უკავშირდება რიგ საკითხებთან დაკავშირებით ძალისხმევის გაძლიერებას, ასევე, უკავშირდება გარკვეული მიმართულებებით პროცესების და რეფორმების დაფინანსების გაზრდას, ასევე, საინფორმაციო კამპანიების წარმოებას. რა თქმა უნდა მზად ვართ, რომ უახლოესი ოთხი თვის განმავლობაში დავასრულოთ ეს პროცესები.“-განაცხადა ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა დავით ბაქრაძემ საინფორმაციო გამოშვება „მოამბის“ პიდაპირ ეთერში ევროკომისიის მიერ მომზადებული ანგარიშის შესახებ. ევროკომისიის საქართველოს მიერ,,სავიზო რეჟიმის ლიბერალიზაციის სამოქმედო გეგმის" განხორციელებას ეხება. დღეს გამოქვეყნდა საქართველოს მიერ,,სავიზო რეჟიმის ლიბერალიზაციის სამოქმედო გეგმის" განხორციელების შესახებ ევროპარლამენტისა და ევროკავშირის საბჭოსთვის ევროკომისიის მომზადებული რიგით მესამე მიმდინარე ანგარიში.