► ნიუ იორკში ავტომანქანაში პოლიციამ იარაღის მთელი არსენალი აღმოაჩინა - დაკავებულმა განაცხადა, რომ ფეისბუკში გაცნობილი 16 წლის გოგოს, ნარკომოვაჭრეებისგან გადასარჩენად მიემართებოდა;
► კალიფორნიის სამაშველო სამსახურებმა გუშინ, ლოს ანჯელესის მიმდებარედ გავრცელებული ხანძრის ლოკალიზება შეძლეს;
► 14 წლის ოკლაჰომელმა ბიჭმა, სახლიდან გამოსვლისას ოთხნახევარ მეტრამდე სიგრძის პითონი აღმოაჩინა - უზარმაზარი გველი ბიჭის მამამ იარაღით მოკლა;
► ჩინეთში ცხოველების დამცველებმა ძაღლების ბაზრობაზე საპროტესტო აქცია გამართეს - ქალაქი იულინი ცნობილია თავისი ყოველწლიური ძაღლების ბაზრობით, რომლის დროსაც, სპეციალურად მოწყობილ ადგილას, ათასობით ძაღლს ხოცავენ მათი ხორცისგან სხვადასხვა კერძის მოსამზადებლად;
► სირიის სამთავრობო ძალების სარაკეტო შეტევა ე.წ. ისლამური სახელმწიფოს პოზიციების წინააღმდეგ რაქას პროვინციაში - ქალაქი ISIS-ის სახელმწიფოს დედაქალაქად ითვლება და მისი სამხრეთით, 60 კილომეტრში მძიმე ბრძოლები მიმდინარეობს.