სასტუმრო "რადისონ ბლუ ივერიაში" საქართველოს თავდაცვის მინისტრის პირველი მოადგილე, დავით ებრალიძე არასამთავრობო ორგანიზაციების და მედიის წარმომადგენლებს შეხვედა. შეხვედრა თავდაცვისა და უსაფრთხოების საკითხებში სამოქალაქო საბჭოს თავდაცვის სფეროში კეთილსინდისიერების ამაღლების პროგრამის ფარგლებში გაიმართა.

საქართველოს თავდაცვის მინისტრის პირველმა მოადგილემ შეხვედრაზე თავდაცვის რესურსების მართვის სფეროში, თავდაცვის ბიუჯეტისა და შესყიდვებში განხორციელებული რეფორმები, ასევე სავალდებულო სამსახურთან დაკავშირებული საკითხები და სამომავლო გეგმები განიხილა.
შეხვედრა მრგვალი მაგიდის ფორმატში ჩატარდა და მას ოცამდე არასამთავრობო ორგნიზაციისა და მედიის წარმომადგენლები დაესწრნენ.