სამშვიდობო მისიებში მონაწილე ჯარისკაცების შვილები „ისთ ფოინთში“
საქართველოს დამოუკიდებლობის დღე საერთაშორისო სამშვიდობო მისიებში მონაწილე სამხედრო მოსამსახურეების შვილებმა თბილისის სავაჭრო-გასართობ ცენტრ „ისთ ფოინთში“ აღნიშნეს. ორმოცდაათამდე პატარას გასართობი ცენტრის „ფოკუს მოკუსის“ წარმომადგენლებმა უმასპინძლეს და მრავალფეროვანი გასართობი პროგრამა შესთავაზეს. ბავშვებმა სხვადასხვა აქტივობაში მიიღეს მონაწილება და ატრაქციონებზეც იმხიარულეს.
ღონისძიება თავდაცვის სამინისტროს სოციალურ საკითხთა და ფსიქოლოგიური მხარდაჭერის დეპარტამენტისა და „ისთ ფოინთის“ ორგანიზებით, ერთობლივი თანამშრომლობის ფარგლებში განხორციელდა. თავდაცვის სამინისტრო და სავაჭრო-გასართობი ცენტრი „ისთ ფოინთი“ თანამშრომლობის გაღრმავებასა და მსგავსი შეხვედრების ორგანიზებას მომავალშიც გეგმავენ.