პატრიარქი არ გადადგება და არც უნდა გადადგეს- ეს განცხადება საპატრიარქოს საგარეო ურთიერთობათა სამსახურის ხელმძღვანელმა მამა კახაბერმა, ტვ "პირველის" ეთერში გააკეთა. თოქშოუ "რეაქციაში" მამა კახაბერმა პატრიარქის მიერ მოსაყდრის დანიშვნაზე ისაუბრა. მისი თქმით, საუბარია იმაზე,რომ მოსაყდრის დანიშვნის შემდეგ შესაძლოა ილია მეორე პატრიარქობიდან გადადგეს, მისი აზრით არ შეესაბამება სიმართლეს.

რაც შეეხება პატრიარქის მოსაყდრის - მეუფე შიოს უფლება მოვალეობებს, მამა კახაბერი ამბობს, რომ არ არის გამორიცხული პატრიარქმა მეუფე შიოს ბევრად მეტი ფუნქციები დააკისროს ვიდრე ადმინისტრაციული საქმეების მართვაა.

მამა კახაბერმა სინოდის დამოკიდებულებაზეც ისაუბრა და თქვა, რომ პატრიარქის გადაწყვეტილებას ყველამ პატივი უნდა სცეს.

"რადგან პატრიარქმა მას გამოუცხადა ნდობა, მე ვფიქრობ, რომ პატრიარქი იმსახურებს პატივი ვცეთ მის არჩევანს... ღმერთმა დიდხანს აცოცხლოს პატრიარქი, მაგრამ როდესაც პატრიარქი გარდაიცვლება ჩათვალეთ, რომ მან ხმა მისცა შემდეგ კრებაზე მეუფე შიოს. ანუ სამი კანდიდატი როდესაც დადგება, ჩათვალეთ, რომ პატრიარქის ხმა ეკუთვნის მეუფე შიოს,"-განაცხადა მამა კახაბერმა.