საქართველოს შეიარაღებული ძალების საინჟინრო ბრიგადის რადიაქტიული, ქიმიური და ბიოლოგიური (რქბ) დაცვის ასეულისთვის საბაზისო სწავლების მესამე ეტაპი დაიწყო. ასეულის პირად შემადგენლობას წვრთნებს გერმანიის ფედერაციული რესპუბლიკის სამხედრო ძალების რქბ სკოლის ინსტრუქტორები უტარებენ.
სწავლების გახსნის ცერემონიალი საინჟინრო ბრიგადის სამწყობრო მოედანზე გაიმართა. სამხედრო მოსამსახურეებს სიტყვით სახმელეთო ჯარების აღმოსავლეთ სარდლის მოადგილემ, პოლკოვნიკმა ზაქარია კალანდაძემ და საქართველოში გერმანიის სამხედრო ატაშემ, ვიცე-პოლკოვნიკმა ფრანც იოზეფ ნოლტემ მიმართეს და სწავლების მონაწილეებს წარმატებები უსურვეს.
რადიაქტიული, ქიმიური და ბიოლოგიური (რქბ) დაცვის ასეულისთვის საბაზისო სწავლების მესამე ეტაპს 50-მდე სამხედრო მოსამსახურე 28 თებერვლამდე გაივლის. წვრთნებში ქართველი სამხედროები 2016 წელს გერმანიის თავდაცვის სამინისტროს მიერ გადმოცემულ სპეციალურ სადეკონტამინაციო სატვირთო მანქანებს გამოიყენებენ.
საქართველომ რადიაქტიულ, ქიმიურ და ბიოლოგიურ (რქბ) თავდაცვის სფეროში პარტნიორობა გერმანულ მხარესთან 2014 წელს დაიწყო.