#ლაშქრობა #Hiking #MyvideoVlogger
ასპინძის რაიონი სავსეა ისტორიული ძეგლებით, 2012 წლის დასასრულს ახალიწლის გასვლა სწორედ ამ მიმართულებაზე დავგეგმე, სოფელ ოთადან სატყეო გზებითა და შემდგომ მთის ბილიკებით, კარგი ბარაქიანი თოვლის პირობებში ავძვერით ყარაყაიზე (თრიალეთის ქედის ყველაზე მაღალი წერტილი) და იქიდან უკვე ჯერ ციხისჯვარში, მერე ბაკურიანის ანდეზიტში და ბოლოს ბაკურიანში ჩავედით. სწორედ ამ გასვლაზე შევნიშნეთ ,პირველად, დაჟანგებული - წითელი ციხე. მთის წვერზე კოხტად შემომდგარი, მყარად ნაშენი და ჯერაც მშვენივრად შემორჩენილი, მაშინ ვერანაირად ვერ მოხერხდა ახლოს მისვლა, სხვა მიმართულებაზე მივდიოდით. მეორედ, წელს სოფ.დამალა-შორეთის მონასტრის წრიულ მარშუტზე შევავლე თვალი, კვლავაც შორიდან ვერც ამჯერად მივედი. ამიტომ გადავწყვიტე, მესამე ჯერზე სწორედ ამ ციხის სანახავად წავსულიყავი ოთას ხეობაში.