საქართველო პირველი დამოუკიდებელი რესპუბლიკის დაარსებიდან 100 წლის იუბილესთან დაკავშირებით, რუსთაველის გამზირზე თავდაცვის სამინისტროს მიერ გაცოცხლებული სამხედრო ისტორიის ოფიციალური საიტის პრეზენტაცია გვირაბის ფორმის კონსტრუქციაში გაიმართა.
საქართველოს პირველი დემოკრატიული რესპუბლიკის სამხედრო ისტორია, პირველი რესპუბლიკის შეიარაღებული ძალები, იარაღი და საჭურველი, 1918-1921 წლების საქართველოს ეროვნული გმირები და მათი ისტორიები, თავდაცვის სამინისტროს განახლებული ვებგვერდი - ამ ყველაფერს რუსთაველის გამზირზე მოსული სტუმრები დილიდან ეცნობოდნენ. მოზარდებს, მათ მშობლებს გმირების შთამომავლებს რეგიონებიდან ჩამოსულ სტუმრებს, უცხოელ ტურისტებს მთელი დღის განმავლობაში პროექტის ავტორი იასონ ნაჭყებია მასპინძლობდა, ეროვნული თავდაცვის აკადემიის იუნკერები კი, მოქალაქეებს საქართველოს გმირების გამოსახულებით მაისურებით ასაჩუქრებდნენ.
აღნიშნული პროექტი, საქართველოს თავდაცვის სამინისტროს სტრატეგიული კომუნიკაციებისა და საზოგადოებასთან ურთიერთობისა და საინფორმაციო ტექნოლოგიების დეპარტამენტებმა განახორციელა.