" ვიცოდი, რომ გიორგი ნორვეგიიდან ბრუნდებოდა და ამ დროს ჩემი მეუღლე მირეკავს და მეუბნება, ნინელი თუ ფეხზე დგახარ დაჯექი რაღაც უნდა გითხრა და ცუდად არ გახდე, გიორგის სადაც უნდოდა იქ წავიდაო.. სად წავიდა, ჩვენ ხომ ვიცოდით ყველამ რომ უნდა წასულიყოთქო. არა, გიორგი აღიკვეცაო. ეს იყო ჩემთვის სამყაროს დაბნელება, ამას ვერ დავმალავ, თვალწინ უცებ კადრები წავიდა წარსულში, მისი დაბადებიდან დღემდე.. მაგრამ დღეს უაზროდ ბედნიერი ქალი ვარ, რადგან ჩემი შვილის თვალებში დავინახე ის, მას რაც უნდოდა.." - ნინელი კონცელიძე, მამა იერონიმეს დედა.