"ქართული მარში" არჩევნების ბოიკოტს, რომელიც მათი თქმით, პირველ ტურზე ჰქონდათ გამოცხადებული, წყვეტს და მეორე ტურში სალომე ზურაბიშვილის მხარდაჭერას გეგმავს. განცხადება ამის შესახებ მოძრაობის ლიდერმა სანდრო ბრეგაძემ გააკეთა, თუმცა მან ხელისუფლებას თავის პირობები წაუყენა. ბრეგაძეს ორი მოთხოვნა აქვს. მისი თქმით, "მარშელები" ზურაბიშვილს მხარს იმ შემთხვევაში დაუჭერენ, თუ ხელისუფლება პარლამენტიდან მარიხუანას კულტივაციის შესახებ კანონპროექტს უკან გაიწვევს და მეორე - თუ დაინიშნება ვადამდელი საპარლამენტო არჩევნები. ბრეგაძის განცხადებით, ხელისუფლებას რეალურად მოსახლეობის 37 %-იანი მხარდაჭერა აქვს და ასეთი დაბალი ლეგიტიმაციის პირობებში, არ შეიძლება "ოცნება" საკონსტიტუციო უმრავლესობით იყოს პარლამენტში- "მივმართავთ ბიძინა ივანიშვილს, თუ გსურთ არჩევნების მეორე ტურში ეროვნული ძალების- ქართულო მარშის და სხვა ძალების მხარდაჭერა მიიღოს თქვენმა კანდიდატმა, ამისათვის საჭიროა ორი მოთხოვნის შესრულება" განაცხადა ბრეგაძემ