საიდან მოდის დიდი წარმატება? მათი საწყისი შესაძლოა სახლის ჩვეულებრივი ეზო, მოუწესრიგებელი სათამაშო მოედანი და ბავშვის მეოცნებე თვალებიც კი იყოს. ყოველ შემთხვევაში, სწორედ ასე ხდება Nike-ს ახალ სარეკლამო ვიდეორგოლში. ბრენდი ყოველთვის დიდი ყურადღებითა და მონდომებით ეპყრობა წარმატებული სპორტსმენებისთვის შექმნილ ვიდეოებს რადგან, მათ, როგორც ახალი თაობისთვის ერთგვარ მოტივაციას ისე უყურებს. ზუსტად ამ მიზეზით, ბრენდი დიდ ყურადღებას ანიჭებს როგორც სიუჟეტს, ასევე ხარისხსა და გადაღებასაც. ბოლო ნამუშევარში, რომელიც NBA-ს ახალი სეზონისთვის მომზადდა, აქცენტი ერთ ჩვეულებრივ ბავშვზე, დანტე გრანდზეა გამახვილებული, რომელიც კალათბურთის სტადიონს უყურებს და საკუთარ თავს მომავალში ისეთი ვარსკვლავური სპორტსმენების გვერდით ხედავს, როგორიც კევინ დურანტი და ლებრონ ჯეიმსია. რეალურად, ნებისმიერ ახალგაზრდას შეუძლია მსგავსი მწვერვალების მიღწევა, მთავარია, დანტეს მსგავსად დასახული მიზნები და მათ მისაღწევად თავდაუზოგავი შრომა. სწორედ, ამის წახალისებას ცდილობს Nike ახალ თაობაში. რაც შეეხება ვიდეორგოლს, რომლითაც ბრენდი ამ გზავნილს ავრცელებს, მის შექმნაზე სააგენტო Wieden + Kennedy-მ იზრუნა.
თუ ფილმი ჯერ კიდევ არ გინახავთ გირჩევთ ,რომ აუცილებლად ნახოთ . ალ პაჩინოს გამოსვლა მხოლოდ ფეხბურთზე არ არის არამედ გამარჯვებაზეცაა. ეს სიტყვები არის იმისთვის ,რომ გავძლიერდეთ . მისი მთლიანი გამოსვლა ჩვენი ცხოვრებაა. როდესაც ხანში შევდივართ, ბევრი რამის დანაკლისს განვიცდით – ესეც ცხოვრების ნაწილია, მაგრამ ამას მხოლოდ მაშინ ვხვდებით, როდესაც რაღაცების დაკარგვას ვიწყებთ. ვხვდებით რომ ცხოვრება უბრალოდ თამაშია ინჩებისთვის. ფეხბურთშიც ასეა. რადგან არა აქვს მნიშვნელობა ცხოვრებასა თუ ფეხბურთში შეცდომების დაშვების ზღვარი ძალზედ პატარაა. ზოგჯერ ნახევარი ნაბიჯიც კი საკმარისია – ნახევარი ნაბიჯით გვიან, ან ადრე – წამნახევარით მეტი ან ნაკლები – ამას ბოლომდე ვერ განვსაზღვრავთ. ინჩები კი რომლებიც გვჭირდება ყველგანაა ჩვენს გარშემო, ისინი თამაშის ყოველ ნაწილში არიან, ყოველ წუთსა და ყოველ წამში.. ყველაზე საინტერესო ის არის ,რომ ალ პაჩინოს გამოსვლა იწყება სიტყვებით ,, ნამდვილად არ ვიცი რა გითხრათ “.
გაგიკვირდებათ,მაგრამ ჯიმ ქერის ეს გამოსვლა სასაცილო ნამდვილად არ არის . მისი სიტყვები ღრმაა . ჯიმ ქერის მთავარი გზავნილი არის ის ,რომ ავირჩიოთ სიყვარული და დავძლიოთ შიში .
,”მე უკვე 30 წელია ამ დღეს ველოდი ,რომ ეს სიტყვები მეთქვა :” მამა, მე გეუბნებოდი , რომ დავბრუნდები და ხარისხს დავიცავდი “. ეს არის ყველაზე სსაცილო მომენტი ბილ გეიტსის გამოსვლაში . როგორც იცით ბილ გეიტს უნივერსიტეტი არ დაუმთავრებია. ის ყველაზე წარმატებული ადამიანია ვინც ჰარვარდიდან გამოაგდეს. ის ფაქტი ,რომ გეტსი გამოაგდეს არ ნიშნავს იმას ,რომ მან ნაკლები ცხოვრებისეული გამოცდილება მიიღო. გეტსი ისეთ გაკვეტილებს ესწრებოდა,სადაც ის დარეგისტრირებულიც კი არ იყო . მის გამოსვლაში ის ამბობს ,რომ განათლება მნიშვნელოვანია და ეს დიდი პრივილეგიაა.
ჯოან როულინგს არაჩვეულებრივი ნიჭი აქვს იმის ,რომ თან გაგაცინოთ და ამასთან ერთად დაგაფიქროთ . მწერალმა გამოსვლაში ისაუბრა სიღარიბეზე. როულინგის თქმით რომანტიკა სიღარიბეში არ არის . და ვისაც მიაჩნია რომ ეს ასე არ არის მისი თქმით სულელები არიან . მწერლის თქმით სიტუაცია იწვევს შიშს, სტრესს და დეპრესიას … “ეს ნიშნავს, რომ გიწევს ათასი დამცირების და გაჭირვების ატანა “.- ამბობს მწერალი . ჯოანის თქმით მას ცხოვრებაში გაჭირვების არასდროს ეშინოდა ,მაგრამ მას ყველაზე მეტად მარცხის ეშინოდა.
ჩარლი ჩაპლინის გენიალური სიტყვები ფილმიდან "დიდი დიქტატორი"
2005 წელს სტივ ჯობსმა მისი ერთ-ერთი ყველაზე ცნობილი გამოსვლა წაიკითხა სტენფორდის უნივერსიტეტის სტუდენტებთან — სამი პატარა ისტორია საკუთარი ცხოვრებიდან, რომელიც აუცილებლად მოახდენს გავლენას თქვენზე . ამ გამოსვლაში ჯობსი გვეუბნება თუ როგორ უნდა გავიმაჯვოთ ბრძოლაში . სტივს სწორედ ამ გამოსვლამდე ერთი წლით ადრე დაუდგინეს კიბო . მან გაიკეთა ოპერაცია და ამ დროს კარგად გამოიყურებოდა . მისი ერთ-ერთი ყველაზე საინტერესო თემა სიკვდილი იყო . ,, თქვენი დრო შეზღუდულია, ამიტომ ნუ დახარჯავთ მას სხვისი ცხოვრებით ცხოვრებაში. ნუ გაებმებით დოგმათა მახეებში — ნუ იცხოვრებთ მხოლოდ სხვისი ნააზრევის შედეგზე. ნუ მისცემთ საშუალებას სხვათა მოსაზრებების ხმაურს ჩაახშოს თქვენი შინაგანი ხმა. და, რაც ყველაზე მთავარია, გქონდეთ საკუთარი გულის და ინტუიციისთვის ბოლომდე მიყოლის გამბედაობა. ამ ორმა რაღაცნაირად უკვე იცის, ჭეშმარიტად რისი სურვილი გაქვთ. ყველაფერი დანარჩენი — მეორეხარისხოვანია.” – ამბობს გამოსვლაში ჯობსი