2017 წლის „ადამიანის უფლებების დღის“ (10 დეკემბერი) აღსანიშნავად ევროგაერთიანების და გაეროს განვითარების პროგრამის ერთობლივი პროექტის ფარგლებში ადამიანის უფლებათა კამპანია დაიწყო. ის საფუძველს უყრის 2018 წლის უფრო ფართომასშტაბიან კამპანიას, რომელიც გაეროს ადამიანთა უფლებების უნივერსალური დეკლარაციის 70 წლისთავს მიეძღვნება. დაგეგმილია სხვადასხვა ღონისძიებები, რომელშიც ევროკავშირისა და გაეროს განვითარების პროგრამის სტრატეგიული პარტნიორები, სამთავრობო სტრუქტურები, საგანმანათლებლო დაწესებულებები და არასამთავრობო ორგანიზაციები მიიღებენ მონაწილეობას. საქმიანი დილაც არ რჩება მთავარ და მნიშვნელოვან მოვლენებს და ფეხდაფეხ მივდევთ თემას. დღეს ვსაუბრობთ ბიზნესში ქალების როლის გაძლიერებაზე. სტუმარი:ანა ხიზანიშვილი, მთავრობის ადმინისტრაციის ადამიანის უფლებათა სამდივნოს მრჩეველი; ნათია ნაცვლიშვილი, გაეროს განვითარების პროგრამის მუდმივი წარმომადგენლის მოადგილე; სალომე ზურაბიშვილი, სამოქალაქო განვითარების სააგენტო , კორპორაციული პასუხისმგებლობის მიმართულების მენეჯერი 06/12/2017
ტელეკომპანია NBC- ის ინფორმაციით, ამერიკულმა ჟურნალმა Time-მა "წლის ადამიანის" პრეტენდენტები სია გამოაქვეყნა. გამოცემა Person of the Year-ს ყოველ წელს ასახელებს. აღნიშნული წოდებისთვის მიმდინარე წელს ათი კანდიდატი იბრძვის. 2017 წლის პრეტენდენტებს შორის გასული წლის გამარჯვებულ აშშ-ის პრეზიდენტ დონალდ ტრამპთან ერთად, ჩრდილოეთ კორეის პრეზიდენტი კიმ იონგ უნიც არის. არსებული ინფორმაციით, ათი პრეტენდენტიდან ორი კონკრეტული პიროვნება არ არის. ესენია: მოძრაობა #MeToo, რომელიც ქალთა მიმართ სექსუალურ შევიწროებას მოჰყვა და Dreamers-ები, რომლებიც აშშ-ში არალეგალურად ჩასული არასრულწლოვანი ემიგრანტების უფლებადამცველებად განიხილებიან. როგორც გამოცემა წერს, ნომინანტებს შორის არიან Amazon-ის დამფუძნებელი ჰეფ ბეზოსი და ამერიკელი რეჟისორი პატი ჯენკინსი, რომლის ფილმმაც ’’ქალი საოცრება“ (Wonder Woman) გაქირავების კუთხით რეკორდი მოხსნა. წლევანდელი ’’წლის ადამიანის“ კანდიდატების სიაში ასევე ამერიკული ფეხბურთის ვარსკვლავი კოლინ კაპერნიკი მოხვდა. აღსანიშნავია, რომ რეიტინგული ჟურნალი Time წლის ადამიანს 1927 წლიდან ყოველწლიურად ასახელებს და მათ შორის, ფაქტობრივად ამერიკის ყველა პრეზიდენტი მოხვდა. 06/12/2017
Instagram-მა გამოაქვეყნა მიმდინარე წლის ყველაზე პოპულარული ქალაქების რეიტინგი, რომელიც სოციალურმა ქსელმა ყველაზე ხშირად გაკეთებული Check-in-ების მიხედვით შეადგინა. გარდა წლის ყველაზე პოპულარული ქალაქებისა, Instagram-მა ოფიციალურ ვებგვერდზე სხვა რეიტინგებიც გამოქვეყნა. მაგალითად, წლის საუკეთესო ფოტოდ სელენა გომესის დაბადების დღის ფოტო დაასახელა, რომელსაც 7 მილიონი მოწონება ჰქონდა. ყველაზე პოპულარულ ქალაქად ნიუ-იორკი დასახელდა, ხოლო ამ ქალაქის ყველაზე პოპულარულ ლოკაციებს შორის, არის ბრუკლინის ხიდი, ცენტრალური პარკი და თაიმს სქვერი. Instagram-ის 2017 წლის ყველაზე პოპულარული ქალაქების ტოპ- ათეული ასე გამოიყურება: 1. ნიუ იორკი 2. მოსკოვი 3. ლონდონი 4. სან პაულო 5. პარიზი 6. ლოს ანჟელესი 7. სანქტ პეტერბურგი 8. ჯაკარტა 9. სტამბოლი 10. ბარსელონა 06/12/2017
სანამ სტრუქტურული ცვლილებები დამტკიცდება დეპუტატებს მომავალი წლის ბიუჯეტის მესამე და საბოლოო ვარიანტი უკვე წაკითხული უნდა ჰქონდეთ. 1094 გვერდიანი დოკუმენტი განსაკუთრებულ ინფორმაციას მთავრობის სტრუქტურის განახლებულ სამუშაოზე და ბიუროკრატიის მოცულობაზე არ იძლევა. წინა ვარიანტებში გამოყოფილი თანხები ერთი შეხედვით პირდაპირ გადანაწილდა იმ უწყებებზე რომლებმაც გაუქმებული სამინისტროები შეიერთეს. სახელმწიფო ბიუჯეტის ასიგნებები ბიუჯეტის პროექტის მეორე წარდგენასთან შედარებით გაზრდილია 56.2 მლნ ლარით და განისაზღვრა 12 459.5 მლნ ლარის ოდენობით, მათ შორის: საბიუჯეტო სახსრები შეადგენს 11 058.5 მლნ ლარს, გრანტები - 164.2 მლნ ლარს, ხოლო კრედიტები - 1 236.8 მლნ ლარს. სახელმწიფო ბიუჯეტის ხარჯების ჯამური მოცულობა შეადგენს 9 720.9 მლნ ლარს, მათ შორის: • შრომის ანაზღაურება - 1 413.6 მლნ ლარი; • საქონელი და მომსახურება - 1 201.3 მლნ ლარი; • პროცენტი - 550.0 მლნ ლარი; • სუბსიდიები - 445.0 მლნ ლარი; • გრანტები - 1 379.0 მლნ ლარი; • სოციალური უზრუნველყოფა - 3 492.8 მლნ ლარი; • სხვა ხარჯები - 1 239.3 მლნ ლარი. რაც შეეხება სამინისტროებს, 2018 წლის ბიუჯეტის პროექტის მესამე წარდგინების მიხედვით, დაფინანსება შემდეგნაირი იქნება: • ჯანდაცვის სამინისტრო - 3 528.0 მლნ ლარი; • რეგიონული განვითარებისა და ინფრასტრუქტურის სამინისტრო -1 815.0 მლნ ლარი; • განათლებისა და მეცნიერების სამინისტრო - 1 186.2 მლნ ლარი; • საქართველოს თავდაცვის სამინისტრო - 802,0 მლნ. ლარი; • საქართველოს შინაგან საქმეთა სამინისტრო - 569,5 მლნ.ლარი; • კულტურისა და სპორტის სამინისტრო - 285.3 მლნ ლარი; • საქართველოს გარემოს დაცვის, სოფლის მეურნეობისა და სოფლის განვითარების სამინისტრო - 274.8 მლნ ლარი; • საქართველოს ეკონომიკისა და მდგრადი განვითარების სამინისტრო - 229,5 მლნ. ლარი; • საქართველოს სასჯელაღსრულებისა და პრობაციის სამინისტრო - 150,0 მლნ. ლარი; • საგარეო საქმეთა სამინისტრო - 120.9 მლნ ლარი; • ოკუპირებული ტერიტორიებიდან იძულებით გადაადგილებულ პირთა, დევნილთა და განსახლების სამინისტრო - 96.2 მლნ ლარი; • საქართველოს ფინანსთა სამინისტროს დაფინანსება შეადგენს - 82.3; • იუსტიციის სამინისტროსთვის - 63.0 მლნ ლარი;
ამერიკის შეერთებულ შტატებში, ქალაქ ანაჰაიმში მიმდინარე მსოფლიო ჩემპიონატზე ძალოსნობაში, ქართველმა რეკორდსმენმა და ოლიმპიურმა ჩემპიონმა, ორჭიდის ჯამში მსოფლიო რეკორდი დაამყარა და 477 კილოგრამი დააფიქსირა. ქართველმა ოლიმპიურმა ჩემპიონმა ამ კვრაში 243, 250 და 257 კილოგრამები შეუკვეთა და სამივე წარმატებით დაძლია. ორჭიდის ჯამში, ლაშა ტალახაძეს 477 კილოგრამი დაუგროვდა, რაც ახალი მსოფლიო რეკორდია. გარდა ამისა, ატაცში, ქართველმა ასევე მსოფლიო რეკორდი დაამყარა და 220 კგ აიტაცა. ანაჰაიმის მსოფლიო ჩემპიონატიდან, ჯამში, ლაშა ტალახაძემ აკვრაში, ატაცსა და ორჭიდში სამი ოქროს მედალი მოიპოვა. 06/12/2017
განათლებისა და შსს-ს გადაწყვეტილებით, სკოლების მონიტორინგის პროცესში საპატრულო პოლიცია ჩაერთვება. ასევე შეიქმნა უწყებათაშორისი კომისია, რომელიც არასრულწლოვნებისთვის ფსიქოლოგიური და საკონსულტაციო სერვისების უზრუნველყოფაზე იმუშავებს, იგეგმება კონფლიქტების პრევენცია-მართვის და მედიაციის პროგრამების დანერგვაც. თემაზე განათლების მინისტრმა ბრიფინგი გამართა, დეტალები ვნახოთ ჩვენს სიუჟეტში. 05/12/2017
თბილისის საერთაშორისო აეროპორტი მომავალ კვირაში მე-3 მემილიონე მგზავრს მიიღებს. იანვარ-ნოემბრის მონაცემებით, თბილისის საერთაშორისო აეროპორტმა 2 მლნ 943 ათას 417 მგზავრი გაატარა, ხოლო მე-3 მემილიონე მგზავრს დეკემბრის მეორე კვირაში ელოდებიან. საერთო ჯამში მოგზაურების რაოდენობას რაც შეეხება 2017 წლის იანვარი-ნოემბრის თვის მონაცემებით საქართველოს 6,954,932 საერთაშორისო მოგზაური ეწვია, რაც 1,081,031-ით მეტია წინა წლის ანალოგიურ პერიოდთან შედარებით. სტუმარი: მარინა ჩაიკა, “Welcome to Georgia!” ტურიზმის ეროვნული დაჯილდოების თანადამფუძნებელი: მაია სიდამონიძე, "პროთრეველ ჯორჯიას" მმართველი პარტნიორი; 05/12/2017
ბოლო წლებში, ტურიზმი საქართველოში ჩამოყალიბდა, როგორც ინფრასტრუქტურის განვითარების, სამუშაო ადგილების შექმნისა და ექსპორტიდან შემოსავლების ზრდის მნიშვნელოვან წყაროდ. ბიას მონაცემთა ბაზის მიხედვით, 2012 წლიდან 2017 წლამდე ტურიზმის სექტორში ოპერირებადი კომპანიების რაოდენობა 100%-ით გაიზარდა. ტურიზმის მსოფლიო ორგანიზაციის მონაცემების მიხედვით, ბოლო ხუთი წლის განმავლობაში, საქართველო მთელ ევროპაში, ხასიათდება საერთაშორისო ვიზიტორების რაოდენობის ერთ–ერთი ყველაზე მაღალი ზრდის ტემპით. 2011–2017 წლებში ვიზიტორების წლიური ზრდის საშუალო ტემპი შეადგენდა 28%–ს. 2017 წლის თერთმეტი თვის მონაცემებით, საერთაშორისო მოგზაურების რაოდენობამ, საქართველოში პიკს მიაღწია და შეადგინა 6, 954, 932 ხოლო ტურისტების რაოდენობამ - 3, 243, 963 შედეგად ტურისტული ვიზიტების წილმა 45% შეადგინა, მაშინ როცა შარშან ეს მაჩვენებელი იყო 39%. 05/12/2017
ეს დღეებია, არა მხოლოდ ეს დღეებია მაგრამ ამ ბოლო დროს ძალიან მიეწყო რაც ილიას სახელმწიფო უნივერსიტეტის სიახლეები ჩვენი ვებ გვერდი მკითველებისთვის თუ საქმიანი დილის მაყურებლებს ახალ ახალ ამბებს სთავაზობს. ჯერ იყო და ილიას სახელმწიფო უნივერსიტეტი მსოფლიო კვლევითი დაწესებულებების რანჟირების სისტემაში კავკასიის რეგიონში პირველ ადგილი დაიკავა და გუშინ კიდევ ერთი სიახლის შესახებ შეიტყო საზოგადოებამ. გიორგი ქადაგიძე ილიაუნის ბიზნესის სკოლის დეკანის მოვალეობის შემსრულებელი გახდა. სტუმარი: გიგა ზედანია, ილიას სახელმწიფო უნივერსიტეტის რექტორი 05/12/2017
ადამიანის უფლებათა დაცვის დღისადმი მიძღვნილი კვირეულის თემატიკას ვაგრძელებთ. კვლევა საქართველოს მთავრობის ადმინისტრაციის ადამიანის უფლებათა დაცვის სამდივნოს, არასამთავრობო ორგანიზაცია სიდას და სახალხო დამცველის აპარატის მიერ დანიის ადამიანის უფლებათა ინსტიტუტის ექპერტებთან კონსულტაციით ჩატარდა. კვლევა, მოიცავს ბიზნესისა და ადამიანის უფლებების თემასთან დაკავშირებულ სხვადასხვა საკითხს, როგორც კანონმდებლობის, ისე პრაქტიკის ანალიზს. სწორედ ამ კვლევის შედეგები დაედო საფუძვლად ბიზნესისა და ადამიანის უფლებების შესახებ სამწლიან სამოქმედო გეგმას, რომელიც ადამიანის უფლებების დაცვის შესახებ სამთავრობო სამოქმედო გეგმის ნაწილი გახდა. სტუმარი: ნიკოლოზ ბრეგვაძე, პერსონალური მონაცემთა დაცვის ინსპექტორის ინსპექტორის მოადგილე; 05/12/2017
ვალუტის შემდეგ საერთაშორისო ბაზრების დროა. გოგა მელიქიძე გვეირთდება საქმიან დილაში გალტ ენდ ტაგარტის ოფისიდან. Goldman Sachs-ის ანალიტიკოსების მოსაზრებით, ის რაც ახლა გლობალურ ფინანსურ ბაზარზე ხდება, მსოფლიო ბირჟებს არ ახსოვს და ამის შემდეგ დარჩენილია მხოლოდ ერთი გზა - დაღმასვლა. სტუმარი: გოგა მელიქიძე, Galt & Taggart-ის საბროკერო მიმართულების ხელმძღვანელი 05/12/2017
მზარდი კონკურენციის და გლობალიზაციის პირობებში, როცა კომპანიები აქტიურად აფართოებენ საქმიანობას მსოფლიო ბაზარზე, ინვესტოების და ბიზნესის მფლობელთა ნდობა კრიტიკულად მნიშვნელოვანი ფაქტორი გახდა საერთაშორისო ზრდის შესაძლებლობების, საფონდო ბირჟაზე გასვლის და ფინანსების სხვა გზით მოძიების საქმეში.- ამ გამოწვევის საპასუხოთ აუდიტორული და ბიზნეს-საკონსულტაციო კომპანია ”ბიდიო” ქართველ მომხმარებელს წლებია სტაბილურ და უმაღლესი ხარისხის მომსახურებას სთავაზობს. კომპანიაში სიახლეა, რეგიონის მმართველად ტრონ-მორტონ ლინდბერგი დაინიშნა. წარმომადგენლობითი ბიოგრაფიის ამარა რომ არ ვიყოთ, საკუთარი გამოცდილების და კომპანიაში დაგეგმილი სიახლეების შესახებაც მასთან და ზურაბ ლალაზაშვილთან BDO საქართველოს მმართველი პარტნიორთან ერთად დავიწყებთ. სტუმარი: ტრონ-მორტენ ლინდბერგი, Head of BDO EMEA;ზურაბ ლალაზაშვილი, BDO საქართველოს მმართველი პარტნიორი 05/12/2017
საქსტატმა მიმდინარე წლის მესამე კვარტლის მონაცემები გამოაქვეყნა, რომლის მხიედვიტაც ბიზნეს სექტორის ბრუნვის მოცულობა გასულ წელთან შედარებით 19,7% ით გაიზარდა და ლარში გამოხატული 18 მილიარდ 600 მილიონი ლარი შეადგინა. გაზრდილია პროდუქტიულობაც. ზრდა 23%_იანია და მოცულობა 10 მილიარს 100 მილიონი ლარია. გასაკვირი არ არის, რომ მთლიანი ბრუნვის დიდი წილი მსხვილ ბიზნესზე მოდის 41,2%. საშუალოს წილი 23,1%-ია. ხოლო მცირე ბიზნესზე 35,7% ნაწილდება. მცირედით განსხვავებული მდგომარეობაა პროდუქციის მთლიანი გამოშვების შემთხვევაში: მსხვილ ბიზნესზე მოდის პროდუქციის გამოშვების 41,6%, საშუალოზე - 24,7%, ხოლო მცირე ბიზნესზე - 33,7%. კიდევ ერთი ინდიკატორი რომელიც საქს ტატმა დაიანგარიშა საწარმოთა მიერ განხორციელებულმა საქონლისა და მომსახურების მთლიანი გაყიდვებია სადაც ზრდა 20.2%ია. ლარში გამოხატული მაშვენებელი კი თითქმის 13 მილიარდი. (13,4 მლრდ). გადასაყიდად განკუთვნილი საქონლისა და მომსახურების ყიდვები 8 მილიარდს მცირედით აჭარბებს. (8,1 მლრდ) პროცენტულ ჭრილში აქაც მატებაა 18,6% ით. ბიზნესის აქტიური მუშაობა და ზრდა პირდაპირ უკავშირდება სამუშაო ადგილების რაოდენობას ქვეყანაში. მესამე კვარტლის ანგარიშის მიხედვით, დასაქმებულთა საშუალო რაოდენობა 643 ათას 900 ადამიანით განისაზღვრა, რაც წინა წელთან შედარებით 6,3%-ით მეტია. დასაქმებულთა მთლიანი რაოდენობიდან 40,1% ქალია, ხოლო 59,9% - კაცი. აქ განსხვავებული ვითარება გვაქვს. ყველაზე მეტი ადამიანი მცირე ბიზნესშია დასაქმებული 41,9%. 35.9% მხვილ ბიზნესზე მოდის და 22,2% კი საშუალო ბიზნესზე. განსხვავებულია საშუალო თვიური ხელფასებიც. მსხვილ ბიზნესში დასაქმებულთა საშუალო ხელფასი – 1178.3 ლარია, საშუალო ბიზნესის შემთხვევაში ეს თანხა – 1240.7 ლარი, ხოლო მცირე ბიზნესში დასაქმებულთა საშუალო ხელფასი – 1051.5 ლარი გამოვიდა. . ბიზნესის ბრუნვის 70% თბილისზე მოდის. უფრო ზუსტად 70.2%. შუალედი შემდეგ პოზიციაზე მყოფ აჭარასთან ძალიან დიდია. აჭარის რეგიონზე მოდის 8.1%. ქვემო ქართლზე 6.1% და იმერეთზე 4.6% ხოლო სამეგრელო ზემო სვანეთზე 3.1%
წლის პირველ 10 თვეში მაუწყებლობის ტრანზიტზე ავტორიზებულმა კომპანიებმა ჯამში 53,8 მლნ ლარზე მეტის შემოსავალი მიიღეს. წლიურად კომპანიის შემოსავლები საშუალოდ 6 მლნ ლარით გაიზარდა. კომუნიკაციების მარეგულირებელი კომისიის მონაცემებით, შემოსავლების ყველაზე დიდი წილი სილქნეტზე მოდის და მან წლის დასაწყისიდან 24,3 მლნ ლარი შეადგინა. კომპანია მაგთიკომმა კი საანგარიშო პერიოდში 19,5 მლნ ლარის შემოსავალი მიიღო. წლის განმავლობაში ყველაზე მეტი შემოსავალი კომპანიებმა სექტემბერში მიიღეს და მან 5,6 მლნ ლარი შეადგინა. ოქტომბერში 2,433,359 ლარის შემოსავალი მიიღო სილქნეტმა, ხოლო მაგთიმ კი 2,405,805 მლნ ლარის. ამავე პერიოდში 414,268 ლარი შეადგინა გლობალ TV-ის შემოსავალმა, რომელიც გასულ თვეს კომპანია სილქნეტმა შეიძინა. ოქტომებრშივე ყველაზე მეტი აბონენტი სილქნეტს ჰყავდა და მათი რაოდენობა 236,466-ს შეადგენდა, ხოლო მაგთის კი 160,197-ს. გლობალ TV-ის აბონენტების რაოდენობა 48,023 იყო. აბონენტების განაწილება ტექნოლოგიების მიხედვით შემდეგია: IPTV - 305,988 თანამგზავრული - 106,093 კოაქსიალური - 38,577 რადიოსიხშირული - 52,151 ინტერნეტტელევიზია - 1,949 კომპანიებს ჯამში 504,758 აბონენტი ჰყავთ. 05/12/2017
მრავალ გამოწვევასთან ერთად Myvideo.ge-ს დაუდგა დრო, როდესაც დაემატა მოთხოვნა, რომელიც მათი განცხადებითვე არღვევს მომხმარებლების უფლებას - ვუყუროთ უფასო საეთერო არხებს იქ, სადაც გსურთ და იმ მოწყობილობით, რომლითაც გსურთ. საქმე ის გახლავთ, რომ ქართული სატელევიზიო სივრცის 6-მა წამყვანმა ტელეარხმა (იმედი, მაესტრო, ჯიდიესი, რუსთავი2, კომედი არხი და მარაო), რომელთა ყურებადობა აღემატება საერთო მაყურებელთა 70%-ს, შექმნა კარტელური გაერთიანება და წამოგვიყენა შემდეგი ულტიმატუმი: Myvideo-ს საშუალებით ამ არხების ყურებისათვის ჩვეენ დაგიწესოთ გარკვეული სააბონენტო გადასახადი, თუ არა და, საერთოდ გავთიშოთ ეს არხები პორტალიდან. განცხადების ავტორები იმასაც განმარტავენ, რომ მსგავსი ტიპის კარტელური გაერთიანება ეწინააღმდეგება საქართველოს კანონს კონკურენციის შესახებ, ხოლო ულტიმატუმის ენით მოლაპარაკებების წარმართვა კი ეწინააღმდეგება საქართველოს კანონს მაუწყებლობის შესახებ. მრავალი მიზეზის განმარტებით და მრავალ მიზეზთან ერთად Myvideo სასამართლო დავაში ერთვება ტელეარხებთან და მათი კარტელური გარიგების შედეგად შექმნილ სუბიექტთან.
2012 წელს საპარლამენტო არჩევნებში გამარჯვებულმა "ქართულმა ოცნებამ" ერთ-ერთი პრიორიტეტად სოფლის მეურნეობა გამოაცხადა. ბიძინა ივანიშვილი თავის გამოსვლებში ხაზს უსვამდა, რომ სოფლის მეურნეობაში წლების განმავლობაში მილიარდ ლარს ჩადებდა. ბოლო 5 წლის განმავლობაში სოფლის მეურნეობაში არაერთი სახელმწიფო პროგრამა განხორციელდა. ზოგიერთი დღეს უკვე აღარ ფუნქციონირებს, ზოგიერთი პროგრამა კი კვლავ აგრძელებს მუშაობას. სტუმარი: რატი კოჭლამაზაშვილი, ISET-ის უფროსი მკვლევარი 04/12/2017
მე მინდა მაყურებელს მოვუყვე ისტორია, რომელმაც ამ თემაზე მუშაობისკენ თავიდანვე მიბიძგა.მე როგორც თბილისის ერთ-ერთმა მაცხოვრებელმა გამოვიძახე პატრული მხოლოდ იმიტომ რომ მათი დახმარებით, ადამიანი რომელიც გვიან ღამით სიცივისგან იყინებოდა გადაგვეყვანა თბილისის მუნიციპალურ თავშესაფარში.მათგან კი ადგილზევე უარყოფითი პასუხი მივიღე,რადგან ეს ადამიანი არ იყო ჩაწერილი თბილისში და იყო ქალაქ წყალტუბოდან ჩამოსული.ისტორია იმით დამთავრდა, რომ სასწრაფომ მისი სიცივის ფონზე მისი ჯანმრთელობის მდგომარეობის გაუარესების გამო ის საავადმყოფოში გადაიყვანა.სწორედ ამ შემთხვევის შემდეგ გავერკვიე დეტალებში, რაც მინდა ჩვენმა მაყურებელმა უკვე თავად, ჩვენს მიერ მომზადებულ სიუჟეტში იხილოს. 04/12/2017
9 დეკემბერს შედგება ადვოკატთა ასოციაციის თავმჯდომარის არჩევნები. დელეგადები 13 საათზე შეიკრიბებიან და საკუთარ პოზიციას დააფიქსირებენ, რომელ კანდიდატს უჭერენ მხარს. ჩვენ შევეცადეთ ყველა კანდიდატი საქმიანი დილის ორშაბათის რუბრიკაში გაგვეცნო მაყურებლისთვსი და მათთვის ვინც ამ არჩევნებზე ხმის მიცემის უფლებით სარგებლობს. სტუმარი: ლევან ჯანაშია (ადვოკატთა ასოციაციის თავმჯდომარეობის კანდიდატი) , გიორგი ცერცვაძე (“ჯეი ენდ თი ქონსალთინგი“-ს მმართველი პარტნიორი), ზვიად კორძაძე (“კორძაძის საადვოკატო ბიურო”-ს მმართველი პარტნიორი) 04/12/2017
რამდენიმე კვირის წინ ბიზნეს მედია საქართველოსთან ნოდარ ხადურმა განაცხადა, რომ კონკურენციის სააგენტო თამბაქოს ბაზრის ხელახალ კვლევას წლის ბოლოს დაასრულებს. მიმდინარეობს ასევე საწვავის ბაზრის მოკვლევაც. ჯერ შედეგები თავისთავად არ ვიცით მაგრამ როგორც ჩანს ეს კვლევა ამჯერადაც ხმაურიანი განხილვის მიზეზი გახდება. არასამთავრობო სექტორი უკვე გამოთქვამს პრეტენზიებს და მათ შორის იმ ფორმატზე, რომელიც სააგენტოსა და მესამე სექტორის წარმომადგენლებს შორის ურთიერთობას უკავშირდება. სტუმარი:ვასო ურუშაძე, HUB Georgia-ს აღმასრულებელი დირექტორი 04/12/2017
უნიქარდი მომხმარებლებს, საახალწლოდ, ტრადიციულად საჩუქრად გაორმაგებულ ქულებს, ფასდაკლებებსა და ბევრ საშობაო სუვენირს სთავაზობს. რომელ მაღაზიებში შეგვიძლია ვისარგებლოთ სპეციალრი შეთავაზებებით და რა სიახლეებს გვთავაზობს უნივერსალური დაგროვების ბარათი.
დღეიდან ადამიანის უფლებათა დაცვის დღისადმი მიძღვნილი კვირეული იწყება. კამპანია დასაწყისია 2018 წლის უფრო აქტიური და ფართომასშტაბიანი კამპანიისა, გაეროს ადამიანთა უფლებების უნივერსალური დეკლარაციის 70 წლისთავს მიეძღვნება. კვირეული საქმიანი დილით იხსნება და სულ რამდენიმე საათში შედგება პრეზენტაცია კვლევის, რომელიც ბიზნესისა და ადამიანის უფლებების საკითხზე მომზადდა. კვლევა ჩატარდა საქართველოს მთავრობის ადმინისტრაციის ადამიანის უფლებათა დაცვის სამდივნოს, არასამთავრობო ორგანიზაცია სიდას და სახალხო დამცველის აპარატის მიერ დანიის ადამიანის უფლებათა ინსტიტუტის ექპერტებთან კონსულტაციით. რას მოიცავს ის და რა იყო მიზანი სტუმრებთან ერთად ვისაუბრებთ. სტუმარი: ზვიად დევდარიანი, CIDA-ს აღმასრულებელი დირექტორი; ნატალია ჯალიაშვილი, საქართველოს მთავრობის ადმინისტრაციის ადამიანის უფლებათა დაცვის სამდივნოს უფროსი; ნიკოლოზ თათულაშვილი, სახალხო დამცველის აპარატის საერთაშორისო ურთიერთობების, პროექტების მართვისა და სამოქალაქო განათლების დეპარტამენტის უფროსი.
მთავრობამ პარლამენტში 2017 წლის სახელმწიფო ბიუჯეტის კანონის ცვლილების პროექტი წარადგინა და დაამტკიცდა კიდეც. ამ ცვლილების მიხედვით ბიუჯეტის შემოსავლები 207 მლნ ლარით იზრდება. შემოსავლების მატებას ძირითადად დამეტებული ღირებულების გადასახადიდან მისაღები შემოსავლის გეგმის ზრდა იწვევს. ნამატ შემოსავალს და გარკვეული პროგრამებიდან დანაზოგებს მთავრობა შემდეგი უწყებების დასაფინანსებლად მიმართავს: ეკონომიკისა და მდგრადი განვითარების სამინისტროსთვის გათვალისწინებული დაფინანსება იზრდება 106 მლნ ლარით, რომლის ფარგლებშიც დაფინანსდება: ბიზნეს-სახლის მშენებლობა, ქუთაისის აეროპორტის მშენებლობა და მთის კურორტების ინფრასტრუქტურა (ბაკურიანი); ამასთან, აღნიშნულ პროექტებზე, ასევე სამინისტროს შენობის მშენებლობაზე მიიმართება ანაკლიის ტერიტორიაზე კერძო საკუთრებაში არსებული მიწების გამოსყიდვის პროგრამაში წარმოქმნილი ეკონომომი სოფლის მეურნეობის სამინისტროსთვის გათვალისწინებული დაფინანსება იზრდება 65 მლნ ლარით, მათ შორის: სამელიორაციო სისტემების რეაბილიტაციისათვის დამატებით გათვალისწინებულ იქნა 35 მლნ ლარი, აზიურ ფაროსანასთან წინააღმდეგ გასატარებელი ღონისძიებების დაფინანსების მიზნით დამატებით გათვალისწინებულ იქნა 35 მლნ ლარი. რეგიონული განვითარებისა და ინფრასტრუქტურის სამინისტროსთვის გათვალისწინებული დაფინანსება იზრდება 30 მლნ ლარით, მათ შორის: წყალმომარაგების ინფრასტრუქტურის აღდგენა-რეაბილიტაციისთვის დამატებით გათვალისწინებულია 16 მლნ ლარი; მყარი ნარჩენების პროექტის თანადაფინანსებისთვის დამატებით გათვალისწინებულია 9 მლნ ლარი; საგზაო ინფრასტრუქტურის გაუმჯობესებისთვის დამატებით გათვალისწინებულია 5 მლნ ლარი. სპორტისა და ახალგაზრდობის სამინისტროსთვის გათვალისწინებული დაფინანსება იზრდება 10 მლნ ლარით, რაც გათვალისწინებულია სპორტული ინფრასტრუქტურის მშენებლობის დაფინანსებისთვის. ენერგეტიკის სამინისტროსთვის გათვალისწინებული დაფინანსება იზრდება 65 მლნ ლარით, მათ შორის: გაზიფიცირებისთვის საჭირო ღონისძიებების დაფინანსებისთვის დამატებით გათვალისწინებულია 50 მლნ ლარი;
მსოფლიოს უმსხვილესი ექსპორტიორი ქვეყანა ჩინეთია. გასულ წელს ჩინეთიდან ექსპორტმა $1,9 ტრილიონი შეადგინა, რაც მსოფლიო ექსპორტის თითქმის 11%-ს შეადგენს. CIA-ს (ცენტრალური სადაზვერვო სამსახური) მონაცემებით, საქართველო მსოფლიოში ექსპორტის მოცულობით 123-ე ადგილს იკავებს. გასულ წელს საქართველოდან ექსპორტმა $2,831,000,000 შეადგინა. მსოფლიოს 10 უმსხვილესი ექსპორტიორი ქვეყანა შემდეგია: ჩინეთი - $1,990,000,000,000 ამერიკის შეერთებული შტატები - $1,456,000,000,000 გერმანია - $1,322,000,000,000 იაპონია - $634,900,000,000 კორეის რესპუბლიკა - $511,800,000,000 საფრანგეთი - $507,000,000,000 ჰონგ კონგი - $502,500,000,000 ნიდერლანდების სამეფო - $495,400,000,000 იტალია - $454,100,000,000 საქართველოს მეზობელი თურქეთიდან ექსპოტმა გასულ წელს $150,200,000,000 შეადგინა და ის მსოფლიოში 30-ე ადგილს იკავებს. 75-ე ადგილზეა აზერბაიჯანი $13,210,000,000-ით. 281,900,000,000 დოლარით, მსოფლიოს ექსპორტიორებს შორის მეთვრამეტე ადგილს იკავებს რუსეთი. სომხეთი კი სიაში 139-ე ადგილზეა $1,891,000,000-ით. 04/12/2017
შსს ინფორმაციის მიხედვით, გერმანიაში 7 თვეში საქართველოს 46 045-მა მოქალაქემ იმოგზაურა. ამავე სტატისტიკის თანახმად, გერმანიის შემდეგ უვიზო რეჟიმით საქართველოს ყველაზე მეტმა მოქალაქემ საბერძნეთში ისარგებლა. კერძოდ, საბერძნეთის საზღვარი უვიზოდ საქართველოს 26 597-მა მოქალაქემ გადაკვეთა. საქართველოს 22 087 მოქალაქე გაემგზავრა იტალიაში, 13 091 პოლონეთში, 8 348 - ესპანეთში, 7 447 - უნგრეთში, 7 140 - კვიპროსში, 6 231 - საფრანგეთში, 4 053 - ავსტრიაში, 4 034 - ნიდერლანდებში, 3342 - ლიტვაში, 2873 - ლატვიაში, 2515 - ჩეხეთში, 1270 - ბელგიაში, 983 - შვეიცარიაში, 774 - შვედეთში, 678 - პორტუგალიაში, 654 - ბულგარეთში, 514 - რუმინეთში, 494 - ესტონეთში, 344 - მალტაში, 319 - დანიაში, 240 - ხორვატიაში, 152 - ნორვეგიაში, 129 - ფინეთში, 83 - სლოვენიაში, 70 - ლუქსემბურგში, 70 - სლოვაკეთში, 45 - ისლანდიაში, 3 - ლიხტენშტეინში, მთლიანობაში კი ეს რიცხვი 160 625-ს შეადგენს. 4 434 შემთხვევაში, არ არის ნაჩვენები შენგენის ზონის კონკრეტული ქვეყანა, სადაც საქართველოს მოქალაქეებმა იმოგზაურეს. აღნიშნულ პერიოდში შენგენის ზონაში მოგზაურობის საერთო რაოდენობამ - 165 059 ერთეული შეადგინა. პირების რაოდენობა, რომლებმაც სავარაუდოდ დაარღვის უვიზოდ მიმოსვლისთვის გათვალისწინებული 90-დღიანი ვადა, შეადგენს - 10 330-ს. აქ მნიშვნელოვანი დეტალია, რომ ეს მონაცემები მოიცავს მხოლოდ შენგენის ზონაში ავიარეისების მონაცემებს. 04/12/2017
პირველი რობოტი ადამიანი სოფია, რომელიც რამდენიმე კვირის წინ და ეს იციან ჩვენმა საქმიანმა მაყურებელებმა, დუბაიში გაერთიანებული საემიროების მოქალაქეობაც მიანიჭეს, მას უკვე სურს რომ შვილი ჰყავდეს და მეტიც, მიაჩნია რომ ოჯახის შექმნა უმნიშვნელოვანესია. ჰონგკონგური ჰენსონ რობოტიქსის დიზაინით შემქნილი რობოტი სოფია შორს წავიდა და აცხადებს,რომ ოჯახის შექმნა და ამ ბედნიერების გაზიარება ერთნაირად უნდა შეეძლოს როგორც ადამიანებს ასევე ჰუმანოიდ რობოტოებსაც. ქალიშვილი უნდა ჰყავდეს, გოგონა და კითხვაზე, თუ რას დაარქმევდა თავის შვილს, პირველი ჰუმანოიდი რობოტი მარტივად პასუხობს, სოფია. როგორი დედა იქნება სოფია, შემდეგი მჯელობის თემა მეცნიერებში ალბათ ეს უნდა იყოს
საუდის არაბეთის პრინცი მიტებ ბინ აბდულა სამკვირიანი პატიმრობის შემდეგ გაათავისუფლეს. პრინცი მიტაბი, რომელიც სამეფო ტახტის მემკვიდრე პრინც მოჰამედ ბინ სალმანის ბიძაშვილია, ანუ ვინც ეს ანტიკორუპციული რეიდი დაგეგმა და ჩაატარა, მიტაბი საუდის არაბეთის ეროვნულ გვარდიას ხელმძღვანელობდა. საკმაოდ გავლენიანიც იყო და აბა თუ მიხვდებით რა თანხის სანაცვლოდ გამოუშვეს ციხედ ქცეული ელ რიადის რიც კარლტონიდან? მილიარდი დოლარი! დიახ, ეს არის პრინცი მიტაბისტვის თავისუფლების საფასური. ის ერთ-ერთია იმ 200-ზე მეტ პოლიტიკოსსა და ბიზნესმენს შორის, რომლებიც 4 ნოემბერს, ანტიკორუფციული რეიდის ფარგლებში დააკავეს. საუდის არაბეთის ხელისუფლებასთან გარიგებაზე კიდევ 3 ეჭვმიტანილი წავიდა, 2 უდანაშაულოდ სცნეს. და ადგილობრივი მთავრობა, დაახლოებით 100 მლრდ დოლარის ამოღებას გეგმავს ამ ანტიკორუფციული ღონისძიებების ფარგლებში. სრულიად სხვა გზავნილი აქვს თბილისის ფორუმზე წარმსდგარ საქართველოს ერთერთ გამორჩეულ ინვესტორს: შეიხ ნაჰაიანს საქართველოს აეროპორტების მართვაში შესვლა სურს, - ამის შესახებ შეიხმა „საქმის კურსთან” ინტერვიუში განაცხადა. არაბეთის გაერთიანებული საემიროების მინისტრთა კაბინეტის წევრი, ამბობს, რომ მომდევნო წლებში საქართველოში ინვესტიციების გაორმაგება სურთ. ამ კუთხით მოლაპარაკებები მიმდინარეობს მთავრობასთანაც.
სახელმწიფო დაფინანსება პარტიებზე შემდეგნაირად ნაწილდება: „ქართული ოცნება - დემოკრატიული საქართველო“ წლიურად 2,081,038 ლარს მიიღებს (ყოველთვიური დაფინანსება - 173,420 ლარი). „თავისუფალ დემოკრატებს“ - 512,196 ლარი გამოეყოფათ, „საქართველოს ლეიბორისტული პარტიის“ დაფინანსება 472,812 ლარი იქნება, „ერთიანი ნაციონალური მოძრაობის“ კი - 991,726 ლარი. „საქართველოს ქრისტიან-კონსერვატიული პარტია“ - - 378,849 ლარი, „ეროვნულ-დემოკრატიული პარტია - 378,849 ლარი, „ევროპული საქართველო - მოძრაობა თავისუფლებისთვის“ 1,036,126 ლარი, „მოძრაობა თავისუფალი საქართველოსთვის“ – 507,174 ლარი, „დემოკრატიული მოძრაობა - ერთიანი საქართველო“ – 241,625 ლარი, „თავისუფალი საქართველო“ – 87,024 ლარი, „ქრისტიან-დემოკრატიული მოძრაობა“ – 241,625 ლარი, „საქართველოს პატრიოტთა ალიანსი“ – 1,270,995 ლარი, „ქართველ ტრადიციონალისტთა კავშირი“ – 87,024 ლარი, „თავისუფლება - ზვიად გამსახურდიას გზა“ – 87,024 ლარი, „საქართველოს ძალოვან ვეტერანთა და პატრიოტთა პოლიტიკური მოძრაობა“ – 87,024 ლარი, „ახალი ქრისტიან-დემოკრატები“ – 87,024 ლარი, „მოძრაობა სახელმწიფო ხალხისთვის“ – 195,511 ლარი, „სამოქალაქო პლატფორმა - ახალი საქართველო“ – 195,511 ლარი.
მეცნიერებითა და ტექნოლოგიებით დაინტერესბული ახალგაზრდებისთვის მთელი საქართველოს მასშტაბით კოსმოსური ჰაკათონი იწყება. ჰაკათონის მთავარი მიზანი კოსმოსური მასშტაბის იდეების და ამ იდეების ავტორი ახალგაზრდების წახალისებაა. ჰაკათონის ჟიურის თავმჯდომარე ნასას ასტრონავტი ქალი ჰაიდი ფაიფერი იქნება, გამარჯვებული გუნდი ნიდერლანდებში, ევროპის კოსმოსური სააგენტოს მუზეუმის, Space Expo-ს სანახავად გაემგზავრება.
საქსტატის წლიურ ჭრილში ამ მონაცემის გათვალსწინებით ეკონომიკური ზრდა 4.9%-იანია. 2017 წლისთვის კი, ჯამში, საქართველოს მთავრობა 4.5%-იან ეკონომიკურ ზრდას პროგნოზირებს. მცირე ჩაშლა რომ გავაკეთოთ აქვე, ეს რიცხვები კონკრეტული დარგების მიხედვით ზრდის მაჩვენებელმა განაპირობა და ეს დარგებია :სასტუმროები და რესტორნები, დამამუშავებელი მრეწველობა, ვაჭრობა და ტრანსპორტი.ზრდასთან ერთად იყო კლებაც, მათ შორის მშენებლობასა და უძრავი ქონებით ოპერაციების სფეროებში. რაც შეეხება ახლადრეგისტრირებული საწარმოების სატისტიკას, ზრდა ოქტომბერი იყო 48,5%. ესეც რა თქმა უნდა წინა წლის ამავე თვესთან შედარებით. ეკონომიკური ზრდის წინასწარი შეფასებებისას გამოყენებული დღგ-ის გადამხდელ საწარმოთა ბრუნვა კი 17,2%-ით არის გაზრდილი. ეკონომიკური ზრდა გვიხარია ყველას, მაგრამ მთავარ პრობლემად და გამოწვევათ მაინც რჩება ინფლაცია, მისგან მომდინარე ფასები, რომელიც გაზრდილია თითქმის ყველა მიმართულებით. ეს განსაკუთრებით იგრძნობა მედიკამენტებზე და საწვავზე , და ეს უკანასკნელი არ იზრდება მხოლოდ ლარის მცურავი კურსის გამო. ინფლაცია კვლავ აჭარბებს 6 %, აჭარბებს რადგან მსების მიზნობრივი მაჩვენებელი 4 % რომელზეც მიღწევს ხელისუფლება 2018 წლის დასაწყისში გეგმავს. ეროვნული ბანკის ოქტომბრის თვის ანგარიშით, საერთო ფასების მატება მხოლოდ 0,8 % არის მითითებული. ბაზარზე, გარეთ კი რეალურად სულ სხვა სიტუაციაა. ეროვნული ბანკის ანგარიშში ასევე ამოიკითხავთ, რომ : ოქტომბერში წინა თვესთან შედარებით, ბენზინი და დიზელის საწვავი 3 პროცენტით, რაც მსოფლიო ბაზარზე ნავთობის გაძვირებას შეიძლება დავუკავშიროთ. სეზონური ფაქტორებიდან გამომდინარე,გაძვირდა სოფლის მეურნეობის სხვადასხვა პროდუქტი. სეზონური ფაქტორის გარდა,ფასების ზრდაში და არა მხოლოდ სოფლის მეურნოების პროდუქტზე,იმპორტირებული პროდუქტის უმრავლესობაზე მინიმუმ 20 % არის მომატებული ფასი. მოკლედ ფასების ზრდაში მონაწილეობა მიიღო როგორც საწვავის ზრდამ, გარე და შიდა ფაქტორების გამო, ასევე ლარის კურსის ცვალებადობამ, მიუხედავად იმისა რომ იმპორტიორებმა სწორედ ფორვარდული ოპერაციების განხორციელებით დაადასტურეს, რომ არ ენდობიან ლარს, სეზონური ფაქტორის გათვალისწინებით, მარაგები შევსებუ
ამერიკელები და ბრიტანელები 2008 წლის ფინანსური კრიზისის შემდეგ საბანკო სექტორს ნალებად ენდობიან. მსოფლიო ეკონომიკური ფორუმის კვლევის მიხედვით, მსოფლიოში ბანკების მიმართ ნდობის კუთხით გაერთიანებული სამეფო 59-ე ადგილს იკავებს, ხოლო ამერიკის შეერთებული შტატები 24-ს. მსოფლიო ეკონომიკრი ფორუმის მსოფლიო კონკურენტუნარიანობის ინდექსის ერთ-ერთი შემადგენელი ნაწილი ქვეყანაში ინსტიტუტების სტაბილურობას ეხება. ბანკების მიმართ მოსახლეობის ნდობას WEF შემდეგი კითხვით ზომავს - „ჯამში, როგორ აღიქვავთ საკუთარი ქვეყნის საბანკო სექტორის სტაბილურობას“. მსოფლიოს სხვადასხვა ქვეყნების საბანკო სისტემა 1-დან 7 ქულამდე ფასდება, სადაც 7 საუკეთესო შეფასებაა, 1 კი ყველაზე ცუდი. მსოფლიოს 137 ქვეყანას შორის ბანკების მიმართ ყველაზე მაღალი ნდობა შემდეგ ქვეყნებშია: ფინეთი - 6,6 ქულა კანადა - 6,6 ქულა ახალი ზელანდია - 6,5 ქულა ავსტრალია - 6,5 ქულა ჩილე - 6,4 ქულა სინგაპური - 6,4 ქულა ჰონგ კონგი - 6,3 ქულა ნორვეგია - 6,3 ქულა ლუქსემბურგი - 6,1 ქულა ისრაელი - 6 ქულა ამ სიაში საქართველო 64-ე ადგილს იკავებს 5 ქულით. რაც შეეხება საქართველოს მეზობელ ქვეყნებს, რეიტინგში 75-ე ადგილზეა სომხეთი, 121-ზე რუსეთი, თურქეთი 58-ზე, აზერბაიჯანი კი 85-ზე. 01/12/2017
28 ნოემბერს თურქეთიდან აზერბაიჯანში პირველი მატარებელი გაემგზავრება - ამის შესახებ თურქეთის რესპუბლიკის ეროვნული სარკინიგზო გადამზიდავის (TCDD) განცხადებაში წერია. მატარებელი თურქეთის პროვინცია მერსინიდან აზერბაიჯანის მიმართულებით 32 კონტეინერით და 650 ტონა ტვირთით დაიძრა. როგორც მოსალოდნელია, მატარებელი ბაქოში 96 საათის განმავლობაში ჩავა. შეგახსენებთ, რომ ბაქო-თბილისი-ყარსის სარკინიგზო მაგისტრალზე პირველმა სატვირთო მატარებელმა მიმდინარე წლის 24 ოქტომბერს გაიარა. მატარებელი ხორბლით იყო დატვირთული და 32 კონტეინერისგან შედგებოდა. მატარებელი ყაზახეთის ქალაქ კოსტანაიდან გავიდა, მისი დანიშნულების პუნქტი თურქეთის პროვინცია მერსინი იყო. ეს რკინიგზა მისი პოტენციალით და შესაძლებლობებით დიდი შვება და დახმარება იქნება ქართული საწარმოებისთვის, და მათი შემოსავლებისთვის.
რამდენად სწორია ლაღიძის წყლების აღდგენის იდეა რუსთაველზე,რომელშიც ცუდი ნამდვილად არაფერია. გიორგი კვირიკაშვილმა გაგვახსენა ეს საკითხი ყველას გუშინ, რომელიც რუსთაველზე გალერეა თბილისის გახსნაზე იმყოფებოდა. ცერემონიალზე სიტყვით გამოსვლისას პრემიერმა გამოთქვა სურვილი ‘ლაღიძეს წყლების ყოფილი სივრცე მთავრობამ საკუთრების უფლების ყველა დაცვით გამოისყიდოს და აღადგინოს. იდეაში, ალბათ გამოისყიდოს და მომავალში შეიანხოს კიდეც. რადგან, ეს სივრცე დღემდე მიტროფანე ლაღიძეს შთამომავლებს ეკუთვნით. გალერეა თბილისი აშკარად მომხიბვლელად გამოიყურება. არც საინვესტიციო მასშტაბებს უჩივის და სივრცეს უჩივის,გემოვნებასაც ვერ დაუწუნებ და არც საბოლოო შედეგისთვის გამოუთქვამს პრეტენზია ვინმეს. პირადად ჯერ არ მინახავს, მაგრამ იქ მყოფები, კმაყოფილნი ჩანდნენ.
გაელერეა თბილისთან ერთად საზეიმოდ გაიხსნა ქელვინ ქლაინის პირველი ოფიციალური მაღაზიაც.ცნობილმა ბრენდმა ქართველ მომხმარებლებს ქელვინ ქლაინის ორი ხაზი შესთავაზა. გახსნის დეტალები და კომპანიის სამომავლო გეგმები ვნახოთ სიუჟეტში
წლევანდელმა შემოდგომის ლეგენდამ უკვე მეცხრედ და ამჯერად მაროშენში ჩატარებული კონკურსისას “სხვისი ავტობიოგრაფიები” დაწერა. იმპროვიზაციული ტურის 10 მონაწილიდან ჟიურის წევრებმა წელს გამარჯვებულად ხატია იათაშვილი დაასახელა. საპრიზო ადგილოსნების და ონლაინ მარათონის გამარჯვებულების შესახებ ინფორმაცია საქმინი დილის მაყურებელს უკვე აქვს, თუმცა შანსს ხელიდან ვერაფრით გავუშვებდით გვემასპინძლა 2017 წლის შემოდგომის მთავარი ლეგენდის ავტორისა და კონკურსის ორგანიზატორებისათვის. სტუმარი: ნინო კალანდია, თსუ-ს პროექტების მენეჯერი; ხატია იათაშვილი, "შემოდგომის ლეგენდის" პირველი ადგილის მფლობელი და თაკო როდონაია, "ჯეოსელის" წარმომადგენელი
და სანამ სარეკლამო შესვენებას და გამოვაცხადებ. ნინი ლონგურაშილი უნდა შემოგვიერთდეს. 3 თვეა რაც პეკინის გამზირზე და მის მიმდებარე ქუჩებზე ახალი საგზაო მოძრაობის წესი, ანუ ცალმხრივად მოძრაობის სისტემა მუშაობს. გადაწყვეტილება საბოლოოდ ძალაში დარჩა და გადავწყვიტეთ ამ სამთვიანი შუალედის შემდეგ გაგვერკვია, გამართლდა თუ არა ის პროგნოზები რომელკიც ამ სტუდიაშიც მოვისმინეთ, რომ გაცალმხრივებული მოძრაობა პეკინის გამზირზე იქ მომუშავე ბიზნეს სუბიექტებს შემოსავალს შეუმცირებდა.
პროექტ სტარტაპ საქართველოს გამარჯვებული კომპანია insuranceshop. ge-ია, პროექტი, რომელიც გულისხმობს ვებ-პლატფორმას, სადაც ერთ სივრცეშია თავმოყრილი ბაზარზე არსებული სხვადასხვა სადაზღვევო შეთავაზებები და მათი კომბინაციები. მომხმარებელს კი საშუალება აქვს შეიყვანოს სისტემაში პირადი/ბიზნეს საქმიანობის მონაცემები და მიიღოს სხვადასხვა კომპანიების და სხვადასხვა პროდუქტების ოპტიმალური, მის საჭიროებებზე ორიენტირებული შეთავაზებები. დეტალებს ნინი ლონგურაშვიის სიუჟეტში გავიგებთ.
ნოემბრის თვის მონაცემები ჯერ არ ვიცით, მაგრამ საქართველოს სტატისტიკის ეროვნული სამსახურის ინფორმაციით, ოქტომბერში სამომხმარებლო საქონლისა და მომსახურების ფასების დონე 0.8%-ით გაიზარდა, წლიურმა ინფლაციამ (12 თვის) კი 6.4% შეადგინა, რაც ნიშნავს, რომ ბოლო ერთ წელიწადში სამომხმარებლო პროდუქცია 6.4%-ით გაძვირდა. ეროვნული ბანკი მომავალ წელს ინფლაციის სამიზნე მაჩვენებლად 3% ს ასახელებს და მიმდინარე წელთან დაკავშირებით არსებულ მონაცემებთან პრეტენცია არ აქვთ. რა ძვირდება და რა იაფდება - რა ახდენს გავლენას ფასების ცვლილებაზე და რა ხდება საერთოდ ბაზარზე ამას ჩვენს ჟურნალისტებთან ერთად განვიხილავთ. სტუმარი: ივა ჭყონია, საქართველოს დისტრიბუტორთა ასოციაციის თავმჯდომარე
გუშინ კრიპტოსავალუტო ბაზარმა მნიშვნელოვანი კორექცია განიცადა. 20%იანი ვარდნა იყო უამრავ კრიპტოვალუტაში. ბიტკოინ ქეში 1200 დოლარამდე დაეცა – ამ ნიშნულზე იგი 12 ნოემბრის შემდეგ აღარ დაბრუნებულა, ხოლო ეთერმა 400 დოლარს ქვევით დაყვინა, მას შემდეგ, რაც 500 დოლარიანი ფასი დალაშქრა. ლაიტკოინის ფასიც რეკორდული 103 დოლარიდან 79მდე დაეშვა, რაც 23%იანი დაღმასვლაა. ამ მომენტისთვის ფასები შედარებით მომჯობინებულია. ბიტკოინი 10,000ის მიდამოებში ტრიალებს, ეთერიუმი 430 დოლარის, ბიტკოინ ქეში 1300 დოლარიან ნიშნულს იბრუნებს, ლაიტკოინი კი 80 დოლარზე ძვირია. გუშინდელ მასობრივ ვარდნას კარგად გაუძალიანდა რიპლი, რომელმაც არათუ ორნიშნა პროცენტული ვარდნა ნახა, პლუსშიც კი გავიდა ასე 5%მდე და ახლა მისი ფასი 750 დოლარის მიდამოებშია. სტუმარი - ეფრემ ურუმაშვილი, ფინანსისტი
ჰერბია Global Gap სერტიფიკატის მქონე კომპანიაა, რომელსაც სასუქის გამოყენების გარეშე მოჰყავს მწვანილი და ბოსტნეული. კომპანია ახდენს წარმოებული პროდუქციის დაფასოებას და დისტრიბუციას საქართველოს სხვადასხვა სავაჭრო ქსელში. საქმიანობა კომპანიამ 2006 წელს დაიწყო და მას შემდეგ ძალიან მალე გახდა უმაღლესი ხარისხის სათბურში მოყვანილი მწვანილის და ბოსტნეულის ერთ-ერთი წამყვანი მწარმოებელი და პირველი კომპანია საქართველოში, რომელმაც დაიწყო პროდუქციის დაფასოება. კომპანიის დამფუძნებელი და დირექტორი ზურაბ ჯანელიძე საქმიან დილას წარმატებული ბიზნესის შესახებ ესაუბრა. წყალტუბოში გაშენებულ ჰერბიას სათბურს კი ნინი ლონგურაშვილი სტუმრობდა. სტუმარი : ზურაბ ჯანელიძე, "ჰერბიას" დამფუძნებელი