კონკურსში მონაწილეობის მიღება შეუძლია ნებისმიერ მომხმარებელს რომელიც რეგისტრირებულია ან დარეგისტრირდება ვიდეოპორტალ MyVideo.Ge -ზე.
საკონკურსოდ მიიღება ნებისმიერი ტექნიკური საშუალებით (კამერა, ტელეფონი, ვებ-კამერა) გადაღებული ვიდეორგოლი.

კონკურსის მოთხოვნები და წესები:
ა) საკონსკურსო სიმღერის ტექსტი უნდა იყოს შექმნილი კონკურსში შემოთავაზებულ მუსიკაზე (იხ. ლინკი) და შინაარსით უნდა უკავშირდებოდეს ლიმონათს "Hello Kitty"
ბ) საკონკურსო ვიდეო შექმნილი უნდა იყოს სპეციალურად კონკურსისთვის
გ) ერთი ვიდეორგოლი უნდა შეიცავდეს მხოლოდ ერთ სიმღერას. საკონკურსო ვიდეორგოლების რაოდენობა ერთ მონაწილეზე შეზღუდული არ არის.
დ) სიუჟეტში დაცული უნდა იყოს ეთიკის ნორმები და მისი შინაარსი არ უნდა ხელყოფდეს პიროვნების პირად ცხოვრებას.
ე) ვიდეოს ატვირთვით კონკურსის მონაწილე ადასტურებს, რომ მის მიერ საკონკურსოდ წარდგენილი ვიდეო არის უფლებრივად უნაკლო და ვიდეოში მყოფი პირები თანახმა არიან საავტორო და მომიჯნავე უფლებები აღნიშნულ ვიდეოზე გადასცენ MyVideo.Ge -სა და შპს "ირაო ინვესტს" (ლიმონათი "Hello Kitty").
ვ) იმ შემთხვევაში, თუ კონკურსზე წარდგენილი ვიდეო არღვევს მესამე მხარის საავტორო უფლებებს, შესაძლო დავაზე მთელი პასუხისმგებლობა ეკისრება კონკურსის მონაწილეს.
ზ) საკონკურსოდ ატვირთული ყველა ვიდეო გამოქვეყნებამდე გადის სპეციალურ შერჩევას.
თ) იმ შემთხვევაში, თუ წარმოდგენილი ვიდეო ეწინააღმდეგება ან არ აკმაყოფილებს საკონკურსო პირობებს , ჟიურის ვიდეოს ავტორთან შეუთანხმებლად - ყოველგვარი განმარტების გარეშე აქვს უფლება არ გამოაქვეყნოს ან ამოაგდოს კონკურსიდან აღნიშნული ვიდეორგოლი.
ი) კონკურსში მონაწილეობის მიღება არ შეუძლიათ MyVideo.Ge-სა და შპს "ირაო ინვესტის" (ლიმონათი "Hello Kitty") თანამშრომლებსა და მათ ახლო ნათესავებს.
კ) გამარჯვების შემთხვევაში 18 წელზე უმცროსი ასაკის მომხმარებელი პრიზის მისაღებად უნდა გამოცხადდეს კანონიერი მეურვის თანხლებით;
ლ) ავტორს არ აქვს საკონკურსოდ განთავსებული ვიდეოს წაშლის ან კონკურსიდან ამოღების უფლება.
მ) კონკურსში მონაწილესთან უკუკავშირი მოხდება MyVideo.Ge -ზე რეგისტრაციისას მითითებული ელ. ფოსტის მისამართზე.

MyVideo.Ge და შპს "ირაო ინვესტი" (ლიმონათი "Hello Kitty") უფლებას იტოვებს გამოიყენოს საკონკურსო ვიდეოები მომავალში საკუთარი მიზნებისათვის ავტორისათვის დამატებითი ჰონორარის გადახდის გარეშე.

• კონკურსის დაწყების თარიღი: მაისი 15, 2014
• დასრულების თარიღი: მაისი 31, 2014