ევროზონის წარმოებისა და მომსახურების სექტორი რეკორდული ტემპით განაგრძობს ზრდას, რაც, ძირითადად, ორი ქვეყნის გერმანიისა და საფრანგეთის დამსახურებაა.

ბრიტანული ანალიტიკური კომპანიის შეფასებით, მაჩვენებელმა ბოლო ექვსი წლის რეკორდულ ნიშნულს 56,8 პროცენტს მიაღწია. კომპანიაში თვლიან, რომ ევროზონის ეკონომიკა კარგი ტემპით ვითარდება და, სავარაუდოდ, პროგნოზირებულზე მაღალ მაჩვენებელს, 0.7-პროცენტიან ზრდას მიაღწევს. თუმცა, ევროპის ცენტრალური ბანკის პრეზიდენტი მარიო დრაგი არ იზიარებს ოპტიმიზმს და ხაზგასმით აღნიშნავს, რომ ვარდნის რისკები მაინც არსებობს და ინფლაციას ისევ სჭირდება სტიმულის მიცემა.