ასე აფასებს, საქართველოს მესამე პრეზიდენტის გუშინდელ განცხადებას, საქართველოში დაბრუნებასთან დაკავშირებით, სახალხო პარტიის სიის პირველი ნომერი. დანიელ ჭავჭანიძე მიიჩნევს, რომ მიხეილ სააკაშვილის დაბრუნებით, საერთო პოლიტიკური სურათი არ შეიცვლება.

ბათუმის მერობის კანდიდატი, „გირჩი მეტი თავისუფლოებიდან“ მიიჩნევს, რომ სააკაშვილმა ეს განცხადება, წინასაარჩევნოდ, ამომრჩეველთა მობილიზებისთვის გააკეთა. გიორგი ფუტკარაძე ამბობს, რომ ეს მოქმედება, “ქართული ოცნების“ წისქვილზე ასხამს წყალს. რაც ე.წ. რეფერენდუმი 2021-ის ჩაშლას გულისხმობს. ფუთკარაძე თვლის, რომ სააკაშვილის დაბრუნება ხალხზე გავლენას აღარ მოახდენს.

„ლელო საქართველოსთვის“ პარტიული სიის პირველი ნომერი, პოლიტიკური პროცესების ცვლილებების შემთხვევაში, პასუხისმგებლობას „ნაციონალური მოძრაობის“ თავმჯდომარეს, ნიკა მელიას აკისრებს. თუმცა, ირაკლი კუპრაძის შეფასებით, ოპოზიციური სპექტრის ამომრჩეველზე სააკაშვილის დაბრუნება, ნეგატიურ გავლენას არ იქონიებს. რასაც, იმით ხსნის, რომ მოქალაქეები, „ქართული ოცნების“ მიერ გამეორებულ შეცდომებს ხედავენ.

„ნაციონალურ მოძრაობაში“ ფიქრობენ, რომ სააკაშვილის ჩამოსვლა ოპოზიციის გამარჯვებაში გადამწყვეტ როლს ითამაშებს. ყველაზე დიდი ოპოზიციურ პარტიაში მიაჩნიათ, რომ მოახლოებული არჩევნები,

მხოლოდ თვითმართველობების დაკომპლექტებას არ ემსახურება და მათი თქმით, ეს ოლიგარქის მმართველობის დასასრულის გზაა.

საქართველოს მესამე პრეზიდენტმა ქვეყანა 2012 წელს დატოვა. შესაძლო დაბრუნებასთან დაკავშირებით მორიგი განცხადება მიხეილ სააკაშვილმა გუშინ გააკეთა. შეგახსენებთ, რომ მას ქართული სასამართლოს მიერ, სხვადასხვა მუხლით, რამდენიმე ბრალი აქვს წაყენებული.