საქართველოს პრეზიდენტმა მიხეილ სააკაშვილმა გადაცემა ,,P.S”-ში ბაგრატიონების შთამომავალზე და მის მეგობარზე სახუმარო ამბავი მოჰყვა, რომელიც დავით ბაგრატიონსა და მის მეგობარს თელავში შეემთხვათ.

,,თბილისელებს ამ ერთი წლის წინ ახალი გატაცება ჰქონდათ: მეფის ტახტის მემკვიდრე ჩამოიყვანეს ესპანეთიდან და მეფედ უნდა ეკურთხებინათ. მეგობარი ჰყავს ერთი ამ დავით ბაგრატიონს, ჰქვია ,,რესტორანა“, რომ დათვრება, შემოდგება მაგიდაზე, ჯერ ბოთლს დაიდგამს, მერე ჭიქას მერე ბოთლს, მერე ჭიქას და მერე ენას გამოჰყოფს და არ ექცევა ეს ღვინო და პირდაპირ სვამს..

ეს ცირკის ნომერი აქვს, რა...

ესენი წამოსული იყვნენ ერთად თელავში. შემოდგა მაგიდაზე, შემოახტუნეს, დაიდგა ჯერ ჭიქა, მერე ბოთლი, მერე ჭიქა, ყველაფერი, მაგრამ ბოლო ჭიქა ცოტა გაუტყდა.

დაჯდა საჭესთან, გვერდით მოისვა ჩვენი მეფე დავითი და მოდიან, მოდიან რვიანებით - ნასვამები არიან. გააჩერა წინანადალთან პატრულმა. ჩახედეს - თქვენო მაგარი მთვრალები ხართო, და შენო, მძღოლო, მაგარი ნაცემიც ხარო. აბა გადმოდი ერთიო.

„არა უფროსო, კი არ მცემესო, ერთი-ორი ჭიქა დალეული მაქვსო, მარა ცემით არ ვუცემივართო. აი, რომ გითხრათ როგორ იყო, ჭიქა დავიდგიო, მერე ბოთლიო, მერე ჭიქაო, მერე ბოთლი ისევო და ასე რტყმევა-რტყმევითო ბოლოს ცოტა გამეჭრაო“. პატრულმა ჩაიქირქილა, თქვენო, ქალაქელებს, აქაურები სულელები ხომ არ გგონივართო?!

გადასძახა პირველს - ნახე რას მეუბნება ნაცემი მძღოლიო, სულელები ვგონივართ ამათ თელაველებიო: რაღაც ჭიქაო, რაღაც ბოთლიო, იმის მაგივრად, რომ მითხრას კაცურად, ვინ ცემა, ჩავიწერთ და დავიჭერთო.

იმან გადმოძახა: „ეგ რა არის ჯოო, ე მეორე საერთოდ მეუბნება - თქვენი მეფე ვაარო,“- ჰყვება მიხეილ სააკაშვილი გადაცემაში „პოსტსკრიპტუმი“.[•გამოიწერე არხი•]