თებერვალში გრიპის ვირუსის შემთხვევები მოიმატებს, თუმცა, დაავადებათა კონტოლის ცენტრის პროგნოზით, ეპიდემიის საფრთხე გამორიცხულია. ცენტრის სამეცნიერო საბჭოს ხელმძღვანელის, პაატა იმნაძის ინფორმაციით, სეზონზე ყველაზე მეტად გავრცელებული A ტიპის H3N2 ვირუსია, რა დიაგნოზითაც ამჟამად საავადმყოფოში 9 ადამიანია მოთავსებული. იმნაძის თქმით, გრიპის გავრცელების არეალი მთელ საქართველოზე ვრცელდება, მიმართვის შედეგად დაფიქსირებულ შემთხვევათა რიცხვი კი 87. დაავადებათა კონტროლის ცენტრის მონაცემებით, ე.წ. ღორის გრიპით სულ 2 ადამიანი დაავადდა. სპეციალისტები მოსახლეობას ჰიგიენური ნორმების დაცვას ურჩევენ.