ადამიანის უფლებათა დაცვის კომიტეტის სხდომაზე ანტიდისკრიმინაციული პაკეტის განხილვა ხმაურით მიმდინარეობს. სხდომას დეპუტატებთან ერთად სასულიერო პირებიც ესწრებიან. რამდენიმე წუთის წინ სხდომაზე სიტყვით გამოვიდა სიონის საკათედრო ტაძრის მოძღვარი დეკანოზი დავით ლასურაშვილი გამოვიდა და იმ საფრთხეებზე გაამახვილა ყურადღება რაც შეიძლება ამ კანონპროექტის მიღებას და დამტკიცებას მოყვეს:

„ეკლესიის პოზიციას თუ ახალი ხელისუფლება არ გაითვალისწინებთ და ამ კანონზე ხელს მოაწერთ მე პირადად ვერ მოგიხსენიებთ თქვენ. თუკი თქვენ იმ 109 კაცის შემადგენლობაში იქნებით გამიჭირდება, ყველამ თვითონ გადაწყვიტოს, თავის საქმე მაგრამ გამიჭირდება. იმიტომ რომ ეს ძალიან დიდ საფრთხეებს შეიცავს, სხვათა შორის იურისტებისაგან მოვისმინე რომ ამ კანონის მიღების შემთხვევაში 24 საათიან რეჟიმში შეიძლება სასამართლომ იმუშაოს. ეს უკვე სხვებმა, იურისტებმა, აგერ ბატონი დიმიტრი ბრძანდება, მან უნდა თქვას და კიდევ ბოლოს, თქვენ რომ წაკითხული გქონდეთ ჰომოსექსუალთა მანიფესტი, აქ ამდენი საუბარი რაღაც-რაღაც კონკრეტულ საკითხებზე არ იქნებოდა. სულ არის 2 თუ სამი გვერდი, ძალიან ცუდი წასაკითხია, მაგრამ წაიკითხეთ. ბოლოს ასე მთავრდება- იკანკალე ჰეტერო ღორო და ჩვენ გვეუბნება მე უკვე მოვდივარო, შეიძლება უკვე შენთანაც ვარო. საამისოდ საკანონმდებლო ბაზა შეიქმნებაო, ყველაფერი მოხდებაო. ამას თქვენ ახორციელებთ ოცნების და საქართველოს მოქალაქეების ნაციონალებისაგან გამომსყიდველი იმედებით რომ მობრძანდით.“